ديماش قۇدايبەرگەن كىم؟ (رەسمي مالىمەتتەر)

otkryivashka-kopiya

دىنمۇحاممەد (ديماش) قۇدايبەرگەن قانات ۇلى 1994 -جىلى 24 -مامىردا اقتوبە قالاسىندا قازاقستان رەسپۋبليكاسىنىڭ مادەنيەت قايراتكەرلەرى قانات قۇدايبەرگەن ۇلى مەن سۆەتلانا ايتبايەۆانىڭ وتباسىندا دۇنيەگە كەلگەن.

ديماشتىڭ اتا- اناسى تانىمال انشىلەر قانات جانە سۆەتا ايتبايەۆتار. ديماشتىڭ اكەسى قانات ايتبايەۆ — وبلىستىق فيلارمونيانىڭ باسشىسى، اناسى سۆەتلانا ايتبايەۆا – وبلىستىق ماسليحات دەپۋتاتى. ديماشتىڭ اتا- اجەلەرى دە مۋزىكالىق ادامدار. ءبىرى دومبىرادا ويناسا، ەكىنشىسىنىڭ ءان ايتۋعا بەيىمى بار. ديماشتىڭ راۋشان اتتى قارىنداسى، مانسۇر اتتى ءىنىسى بار.

1458215250_img_0163-copy

ەڭ العاش رەت سپەكتاكلدە ويناۋىمەن تانىلا باستادى. بەس جاسىندا مۋزىكالىق كوللەدج ساحناسىندا العاش ءانشى رەتىندە ءان سالعان. التى جاسىندا “اينالايىن” رەسپۋبليكالىق بايقاۋىنىڭ “فورتەپيانو” نوميناتسياسىندا جەڭىمپاز اتانعان.

2010 -جىلى «بايقونىردىڭ اسەم داۋىستارى» حالىقارالىق فەستيۆالىنىڭ -1 جۇلدە لاۋرەاتى اتاندى. 2012 -جىلى “جاس قانات” رەسپۋبليكالىق جاس ءان ورىنداۋشىلار بايقاۋىنىڭ گران- پري جۇلدەسىنە يە بولىپ، وسى جىلى “ۆوستوچنىي بازار” حالىقارالىق بايقاۋىندا -1 جۇلدە لاۋرەاتى اتاندى. 2013 -جىلى ديماش قۇدايبەرگەن “مەيكين ازيا” ءى حالىقارالىق فەستيۆالىنىڭ جەڭىمپازى بولدى.

b1338ca25c78d8035c70f64be7115543
سونىمەن قاتار ديماش ۆيتەبسك قالاسىندا وتكەن XXIV حالىقارالىق ەسترادالىق ءان ورىنداۋشىلار «سلاۆيان بازارى-2015» بايقاۋىندا گران- پري جەڭىپ العان. ەكى كۇن ىشىندە جاس ءانشى 175 ۇپاي جيناعان. ءبىرىنشى كۇنى ول كونستانتين مەلادزە كومپوزيتورىنىڭ «وپيات مەتەل» ءانىن، ال ەكىنشى كۇنى فرانتسۋز ءانشىسى گرەگوري لەمارشال رەپەرتۋارىنان الىنعان «Sos dun terien un detressە» ءانىن ورىندادى.

2015 -جىلى 28 -قازان كۇنى ىستانبۇلدا ديماش قۇدايبەرگەن “Abu TV” حالىقارالىق ازيا- تىنىق مۇحيت فەستيۆالىندا قازاقستان رەسپۋبليكاسىنىڭ اتىنان العاش رەت قاتىستى.

contest-vitebsk-slavic-bazaar-20150711-01

ديماش قۇدايبەرگەن 5 جاسىنان باستاپ فورتەپيانودا ويناۋدى ۇيرەنگەن. بالالار حورىندا ءان ايتقان. ول 2014 -جىلى ديماش احمەت جۇبانوۆ اتىنداعى مۋزىكالىق كوللەدجدە اكادەميالىق ءان ورىنداۋ سىنىبىن ءتامامداپ، قازاق ۇلتتىق ونەر ۋنيۆەرسيتەتىنىڭ “ەسترادا ونەرى” فاكۋلتەتىنە ءتۇستى.

ديماش سەرب، يتاليان، فرانسۋز، اعىلشىن، ورىس ت. ب تىلدەردە ءان ورىندايدى.

مالىمەتتەر ۋيكيپەديادان الىندى

1 پىكىر