قازاق كينوسىن دامىتۋعا ارنالعان زاڭ جوباسى ازىرلەنۋدە

bez-nazvaniya-2-1

قازىرگى ۋاقىتتا قازاق كينوسىن دامىتۋعا ارنالعان زاڭ جوباسى ازىرلەنۋدە. بۇل تۋرالى بۇگىن ۇكىمەت وتىرىسىندا قر مادەنيەت جانە سپورت مينيسترى ارىستانبەك مۇحامەدي ۇلى مالىمدەدى. ونىڭ ايتۋىنشا، زاڭ جوباسى ناۋرىز ايىندا ۇكىمەت قاراۋىنا ۇسىنىلىپ، مامىردا پارلامەنتتە قارالادى دەپ جوسپارلانۋدا.

«بۇگىنگى كۇنى بۇكىل كينو سالاسى «مادەنيەت تۋرالى» زاڭنىڭ بار بولعانى 6 بابىمەن عانا رەتتەلەدى. كينو ءوندىرىسى, پروكات، كينو ءونىمى ديستريبۋتسياسى، ساقتاۋ جانە وتكەن ۋاقىتتىڭ بىرەگەي كينولارىنىڭ تارالىمى پروتسەسىنىڭ قاتىسۋشىلارى اراسىنداعى ءوزارا قارىم- قاتىناستىڭ بار قىرىن اشاتىن نورمالار جوق» ، — دەدى مينيستر.

ونىڭ ايتۋىنشا، تەك 2016 -جىلى عانا ۇكىمەتتىڭ قولداۋىمەن «كينەماتوگرافيا تۋرالى» زاڭ جوباسىن ازىرلەۋ 2017 -جىلدىڭ زاڭ جوباسى جۇمىستارىنىڭ جوسپارىنا ەنگىزىلدى. قازىرگى ۋاقىتتا تۇڭعىش سالالىق زاڭ ازىرلەنىپ جاتىر.