مۇحتارحاندى بالاشا كوتەرگەن ءسات!

15823656_388168768190293_5190190571394304752_n
1998 – جىلى مۇحتارحان باتىر ازيا ويىندارىنىڭ فينالىندا يران بوكسشىسى ءساماديدى ەسەڭگىرەتىپ جەڭگەن ساتىندە پرەسس لوجادان قارعي سەكىرىپ، رينگتىڭ تۇبىنەن ءبىر- اق شىقتىم. ۇ و ك پرەزيدەنتى امانشا اقبايەۆ اعامنىڭ “قىدىربەك قايدا كەتتىڭ؟ ” دەگەن ءۇنى قۇلاعىمدا ءالى تۇر. جايشىلىقتا جولىن كەسىپ وتپەيتىن اعا ەدى. سول ساتتە مۇxتارxاننىڭ عاجاپ جەڭىسى ءاي- شايعا قاراتقان جوق. جەتكەن بويدا 97=98 كيلو تارتاتىن مۇحتارحاندى ءاۋپ دەپ تىك كوتەرىپ اكەتتىم! جايشىلىقتا 50 كيلو ۇن كوتەرە المايتىن ەدىم. رۋح جالىنداعان تۇستا قاراعايداي باتىردى ون جاسار بالاداي عىپ كەۋدەگە قىسىپ، تۇرا بەرىپپىن. مۇنى كورگەن قازاق باۋىرلار مەن ازيانىڭ ءار قيىرىنان جينالعان جۇرت مەنى بارماعىنان كۇش ساۋلاعان ادام دەپ ويلاپ قالعان شىعار. ءبىز جايشىلىقتا ءوز مۇمكىندىگىمىزدى بىلمەيدى ەكەنبىز. رۋح كەرنەگەن كەزدە ادام تاۋ قوپارادى ەكەن! شىركىن، ءبىزدىڭ باۋىرلاردى وليمپيادا كىلەمىنە شارقايراقتاي قايراپ جىبەرسە بار عوي، قازاق بالۋاندارى جولىنداعىنى جايپاپ شىعار ەدى. ءبىزدىڭ قىراندار باۋىرجان مومىش ۇلىن وقىسا، كوكەيگە توقىسا، ءار وليمپيادادان جەرگە قاراپ قايتپاس ەدى، دەپ ويعا باتاسىڭ. قازاق سپورتىنا بايدوسوۆ پەن بايبولوۆتاي ۇستازدار كەرەك! ۇستاز بولماي، ۇلان قايدان شىعادى؟ !

قىدىربەك ىرىسبەك، سپورت جۋرناليسى