ۇزىنعاشتا ءۇش اعايىندىنى ولتىرگەن قىلمىسكەرگە جازا كەسىلدى

sot-318x219

الماتى وبلىسىندا ءۇش اعايىندى – جارقىنبەك دولدان، مۇقيات زارلىحان جانە ءالىمحان قادىلبەكتەردى ولتىرگەن كۇدىكتىلەرگە قاتىستى سوت ۇكىمى شىقتى. سوت باس كۇدىكتى تالعات سۇلەيمەنوۆتى ءومىر بويىنا باس بوستاندىعىنان ايىرۋ تۋرالى جازا تاعايىندادى. ول ەندىگى ءومىرىن تەمىر توردىڭ ارعى جاعىندا، ەرەكشە رەجىمدەگى كولونيادا وتكىزەتىن بولادى، دەپ حابارلايدى قازاقپارات ءتىلىسى.

وقيعا بويىنشا باسقا قىلمىسكەرلەر مۇرات وڭالبايەۆ 25 جىلعا كەسىلدى. ول دا ەرەكشە رەجىمدەگى تۇرمەدە ۇستالادى. ال اۋىر قىلمىسقا كۋاگەر بولا تۇرا ەشكىمگە حابارلاماعان باقىت بايقاسىموۆ 4 جىلعا باس بوستاندىعىنان ايىرىلدى. بۇدان بولەك، سوت سۇلەيمەنوۆ پەن وڭالبايەۆتى ولتىرىلگەن ءار ازاماتتىڭ وتباسىنا مورالدىق شىعىن ءۇشىن ون ميلليون تەڭگەدەن وتەماقى تولەۋدى مىندەتتەپ وتىر.

قاراساي اۋداندىق سوتىندا ءۇش اعايىندىنى ولتىرگەندەردىڭ ءىسى قارالعان بولاتىن. بۇعان دەيىن حابارلاعانىمىزداي، قازا بولعانداردىڭ جاقىندارى مەن تۋىستارى مورالدىق شىعىن تالاپ ەتكەن بولاتىن. ولار سۋديادان 45 ملن تەڭگە ءوندىرىپ بەرۋدى سۇرادى. ال جابىرلەنۋشى تاراپ قىلمىسكەرلەردى ءولىم جازاسىنا كەسۋدى سۇراعان ەدى.

ايتا كەتەيىك، قىركۇيەك ايىندا اعايىندىلار ۇزىناعاشقا مال ساتۋعا (40 ءىرى قارا مال) كەتىپ، ءىز- ءتۇزسىز جوعالىپ، ارتىنشا ولاردىڭ ءولى دەنەلەرى تابىلدى.

3 پىكىر