قوي جۇنىنەن كارتينا جاسايتىن سۋرەتشىنىڭ كورمەسى اشىلدى

3-2-1
ق ر سۋرەتشىلەر وداعىنىڭ مۇشەسى، س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ «ارحيتەكتۋرا جانە ديزاين» كافەدراسىنىڭ اعا وقىتۋشىسى مايسا ىقىلاسوۆانىڭ پاۆلودار وبلىستىق كوركەمسۋرەت مۋزەيىندە مەرەيتويلىق دەربەس كورمەسى اشىلدى.

مايسا ىقىلاسوۆا ەڭبەكتەرىنىڭ تارتىمدىلىعى سۋرەتشىنىڭ قولداناتىن ەرەكشە تەحنيكاسىنا بايلانىستى. بۇل جۇمىستارىنداعى وعان نەگىزگى كومەكشى بولاتىن قۇرالى – كيىز. سۋرەتشى كيىزبەن ءتورت جىلدان استام ۋاقىت جۇمىس ىستەۋدە. سۋرەتشىنىڭ ايتۋىنشا، كيىزبەن جۇمىس جاساۋ ونەرىن ول اجەسىنەن مەڭگەرگەن، جانە ول ءوزىن كيىزدەن ونەر تۋىندىسىن جاساۋدىڭ وزىندىك تەحنيكاسىن العاش قولدانعان شەبەر سانايدى.

تاڭقالارلىعى، قولونەر شەبەرىنىڭ جۇمىستارىندا اكۆارەلدى قولدانعانى بايقالمايدى، ءجىپ- جىڭىشكە كومكەرىلگەن ءاربىر ورنەك ءبىر- ءبىرىن تولىقتىرىپ تۇرادى. سۋرەتتەردەگى ءداستۇرلى بوياۋلار ورنىنا بەدەرلەنگەن بويالعان قوي ءجۇنى تۋىندىعا ەرەكشە كوركەمدىك بەرەدى.

«قوي ءجۇنىن جاباعىلاۋدان كەيىن، سۋرەتكە سالىپ وتىرعاندا ودان نە شىعاتىنى بەيمالىم. كەيدە ماتەريالدىڭ ءوزىنىڭ ءبىر ويى بارداي ءوز دەگەنىن بەدەرلەيتىندەي» ، – دەيدى م. ىقىلاسوۆا.

ماسيا ىقىلاسوۆا كيىزبەن جۇمىس ىستەۋ تەحنيكاسىنىڭ نەگىزى مەن ەرەكشەلىگىن ۇلى دالا كوشپەندىلەرىنىڭ بايىرعى ءداستۇرى مەن ونەرىنەن تامىر جايعانىن ماقتان ەتەدى.

3-3-1

 

3-1-1

 

1-13