قايرات نۇرتاستىڭ كەزەكتى كونسەرتىنىڭ جارناماسى جايىندا

15078809_10207834504880761_8987207363034765_n

اباي داڭعىلىنىڭ بويىندا قايرات نۇرتاستىڭ كەزەكتى كونسەرتىنىڭ جارناماسى ءىلىنىپ تۇر. قارا كوستيۋم شالبار كيىپ، قارا كوزىلدىرىك تاعىپ، قولىنا الدەبىر سومكە ۇستاعان قايراتتىڭ سۋرەتىنىڭ ارتقى فونىندا ورتەنىپ قۇلا بارا جاتقان تىكۇشاق، شاشىلعان دوللار بەينەلەنىپتى. اۋەلدە قايرات بانك توناۋشىلار تۋرالى بويەۆيك كينو تۇسىرگەن ەكەن عوي دەپ ويلادىم، سويتسەم، الماتى ارەنادا يننوۆاتسيالىق كونسەرت بەرەمىن دەپ جار سالىپتى. سوندا كونسەرتكە ورتەنگەن تىكۇشاقتىڭ، اسپاننان جاۋعانداي شاشىلىپ جاتقان دوللاردىڭ، قولىنداعى سومكەسىنىڭ قانداي قاتىسى بار دەپ ويعا قالدىم. ءارى ويلانىپ، بەرى ويلانىپ جارناما بيلبوردتى كورگەن مەن سياقتى ادامنىڭ باسىنا كەلەتىن بىرنەشە قيسىنعا توقتادىم.
1. قايرات ءان ايتۋدان تاۋىپ جۇرگەن مول تابىسىنان سالىق تولەمەي جۇرگەندىگىن جانە ءوزىنىڭ ورىنداۋىنداعى اندەر حالىقتىڭ مادەني تالعامىنا قالاي اسەر ەتىپ جاتقاندىعىن كونسەرت جارناماسىندا كورسەتكىسى كەلگەن. ياعني، ورتەنىپ قۇلاپ بارا جاتقان ۇشاق -حالىقتىڭ مادەني تالعامى، دوللار – حالىقتىڭ نەسيەگە الىپ، قايراتقا شاشقان اقشاسى، سومكە ۇستاپ، قارا كوزىلدىرىك كيىپ العان قايرات بولسا، بار اقشاسىن كوتەرىپ سالىقتان قاشىپ بارا جاتقان ءوز بەينەسى.. .
2. قايرات كونسەرتىنىڭ جارناماسى ارقىلى قازاقستاننىڭ بۇگىنگى ەكونوميكاسىنىڭ ءحالىن كورسەتكىسى كەلگەن: شاشىلىپ جاتقان دوللار قازبا بايلىقتاردان تۇسكەن قاراجات، ورتەنىپ قۇلا بارا جاتقان تىكۇشاق – ەل ەكونوميكاسى، ال قارا- كوستيۋم شالبار كيىپ، قارا كوزىلدىرىك تاعىپ، قولىنا سومكە ۇستاپ تۇرعان قايراتقا ۇقسايتىن جىگىت شەتەلگە قاشىپ بارا جاتقان ادام.. .
3. قايرات حوليۆۋدقا كەتىپ، سول جاقتا كينو تۇسىرگىسى كەلىپ ءجۇر.. .
ايتپاقشى، يننوۆاتسيالىق كانسەرت دەگەن قانداي كانسەرت، قايرات فونوگرامماسىز كانسەرت بەرە مە، جوق پا ونى قايراتتىڭ ءوزى دە بىلمەدى- اۋ دەيمىن…

ءومىرجان ءابدىحالىق، جازۋشى