فوتو كورمە. ءبىر قاراماي قاسىنان وتە كورمە

ەل تاۋەلسىزدىگىنەن سىر شەرتتى

30815-6-el_t_uels_zd_g_nen_syr_ru
الماتىداعى قازاقستان رەسپۋبليكاسىنىڭ ۇلتتىق مۇراجايىندا «تاۋەلسىزدىك تاعىلىمى-25» اتتى فوتوكورمەنىڭ اشىلۋ سالتاناتى ءوتتى.
شارانى رەسپۋبليكالىق «فوتوونەر» قوعامدىق بىرلەستىگى- الماتى قالاسىنىڭ اكىمشىلىگى جانە National Geographic قازاقستان قولداۋىمەن ۇيىمداستىردى.
فوتوكورمەنىڭ باستى ماقساتى – ەل تاۋەلسىزدىگىنىڭ جيىرما بەس جىلىندا وبەكتيۆكە ىلىنگەن مەملەكەتتىك، قوعامدىق جانە رۋحاني ءومىردىڭ ءبىر بولىگىن بولاشاق ۇرپاققا تاعزىم ەتۋ. كورمەدە قازاقستاننىڭ ۇزدىك فوتوجۋرناليستەرى ۇسىنعان جانە «مەنىڭ ەلىم – قازاقستان» فوتوبايقاۋىنا قاتىسقان 100 دەن استام جۇمىس قويىلدى.
شاراعا جينالعان جاستار كوپ بولدى. ولار وتانىنىڭ تاريحىن تاسقا باسقان فوتوجۋرناليستەردىڭ ماعىناعا تولى ەڭبەكتەرىمەن تانىسىپ، كوپشىلىك كورە بەرمەيتىن راكۋرستاردان تۇسىرىلگەن تاماشا تۋىندىلارعا تامسانىپ قايتتى. اراسىندا فوتوونەرىنە قىزىعىپ، فوتوجۋرناليست بولسام دەپ نيەتتەنىپ جۇرگەندەرى دە بارشىلىق. ال اعا بۋىن كورمەدەگى سۋرەتتەردىڭ ەل مەن جەردىڭ تاريحى، تىنىسى قاتار سۋرەتتەلگەنە وڭ باعا بەردى.

fotokorme-03

اسىلحان ءابدىرايىم، «فوتوونەر» ق ب پرەزيدەنتى:
– ەلىمىزدە تاۋەلسىزدىك العاننان بەرى 25 جىل ىشىندە بىرنەشە ماڭىزدى ءارى جارقىن وقيعالار ورىن الدى. ولار ەلىمىزدىڭ بولاشاعى مەن الداعى دامۋىنا ەلەۋلى ۇلەس قوستى. وسى ۋاقىت بويى فوتوجۋرناليستەر حالىقپەن بىرگە جاس مەملەكەتىمىزدىڭ ءار قادامىن بولاشاق ۇرپاققا ساقتاپ تاۋەلسىز قازاقستانىمىزدىڭ فوتشەجىرەسىن قۇرىپ كەلەدى، – دەيدى.
وسىلايشا «تاۋەلسىزدىك تاعىلىمى» فوتوكورمەسى جىلدىڭ جارقىن شارالارىنىڭ بىرىنە اينالادى جانە قازاقستان رەسپۋبليكاسى تاۋەسىزدىگىنىڭ 25 جىلدىق مەرەيتويىنىڭ تويلانۋىنا ەلەۋلى ۇلەس قوسادى.

دوسجان بالابەك ۇلى
فوتو: ايتجان مۇرزانوۆ