استانادا ورىس تەاترى “الپامىس”- تى ساحنالادى

ەلوردادا « امانات» قويىلىمىنىڭ تۇساۋكەسەرى ءوتتى

amanat2

 

م. گوركي اتىنداعى مەملەكەتتىك اكادەميالىق ورىس دراما تەاترىنىڭ ساحناسىندا « الپامىس» قازاق جاۋىنگەرلىك ەپوسىنىڭ جەلىسى بويىنشا قويىلعان « امانات» سپەكتاكلىنىڭ پرەمەراسى ءوتتى. اتالعان قويىلىم قازاقستان تاۋەلسىزدىگىنىڭ 25 – جىلدىعىنا ارنالىپ وتىر. بۇل تۋرالى ەلوردا اكىمدىگىنىڭ رەسمي سايتىندا حابارلاندى.

قويۋشى رەجيسسەرى — قازاقستاننىڭ ەڭبەك سىڭىرگەن ءارتىسى بەكپۋلات ساتتاروۆيچ پارمانوۆ. الپامىس ءرولىن سومداعان — استانالىق ورىس دراما تەاترىنىڭ اكتەرى ماكسيم ياشەنكو، گۇلبارشىن ءرولىن جاس اكتريسا ناتاليا ماشتاكوۆا ورىندادى. شىعارماشىلىق ۇجىم رەپەرتۋارىن تولىقتىرعان بۇل سپەكتاكلگە تەاتردىڭ بارلىق دەرلىك ءارتىسى جۇمىلدىرىلدى. تاعى ءبىر ەرەكشەلىك — ورىس دراما تەاترىنىڭ اكتەرلەرى قازاق اندەرىن ورىندادى. مىسالى: « جوقتاۋ» ، « تۋعان جەر» جانە ت. ب. ، سونداي- اق، مۋزىكالىق ارلەۋدى جاساۋ بارىسىندا قازاق ەتنيكالىق اسپاپتار قولدانىلدى: دومبىرا، قىلقوبىز، جەتىگەن، شاڭقوبىز، سىبىزعى.

« بيىلعى جىل — قازاقستان ءۇشىن ەرەكشە. ءبىز تاۋەلسىزدىگىمىزدىڭ 25 جىلدىعىن اتاپ وتكەلى جاتىرمىز. وسىنى ەسكەرە وتىرىپ، ءبىز ءۇشىن مازمۇنى مەن كورىنىسى جاعىنان مەرەيتويلىق داتاعا ساي بولاتىن ماتەريالدى ۇزاق ۋاقىت ىزدەدىك. كەيىن، قازاقتىڭ « الپامىس» اتتى جاۋىنگەرلىك ەپوسىن تاپتىق. ول بارلىق تۇركى تىلدەس حالىقتارى ءۇشىن ورتاق ماڭىزدى ادەبي مۇرا بولىپ تابىلادى. سپەكتاكل اتىن « امانات» دەپ قويدىق. سەبەبى، عاسىردان عاسىرعا، ۇرپاقتان ۇرپاققا امانات بولىپ جەتكەن بۇل ەپوستى جاستار بۋىنىنا جەتكىزۋ — ءبىزدىڭ باستى مىندەتىمىز، پرەمەرادان كەيىن ۇمىتىلاتىن سپەكتاكلدەر از ەمەس. ءوز كەزەگىمىزدە، ءبىز ءوز الدىمىزعا ۇمتىلماس، كوركەمدىك جاعىنان ەرەكشە، ساحنادا ۇزاق جىلدار بويى كورسەتىلەتىن سپەكتاكلدى جاساۋدى ماقسات ەتىپ قويدىق جانە دە سول ماقساتقا جەتكەن سياقتىمىز» ، — دەپ اتاپ ءوتتى رەجيسسەر بەكپۋلات پارمانوۆ.

amanat4 20161107142640

amanat