باۋىرجان قاراعىز ۇلى: تاۋدىڭ ءيىسى

68385f28399dc94cf04935a07cf78e1b

سول ءتۇنى

سول ءتۇنى.. . اسپان مۇڭايعان ەدى،
مۇڭايعان ەدى توبەڭدە.. .
سول ءتۇنى.. . سەنى ساعىنىشىما –
بولەگەن ەدىم ولەڭگە.

سول ءتۇنى.. . مەن دە الدانىپ تۇرعام،
قار جاۋىپ تۇرعان بولاتىن.. .
سول ءتۇنى.. . سەن دە جۇرەكتەن باسقا
جول تاپپاي تۇردىڭ باراتىن.

سەندەلگەن سەزىم،
جوعالعان ءۇمىت،
كەشە گور ءبىزدى كەشە گور.. .
تىپ- تىنىش اپپاق،
وسىنداي ەدى
كوشەلەر اپپاق، كوشەلەر.. .

سول ساتتە.. . اتتەڭ، قار جاۋدى نەگە؟ !
قار جاۋدى نەگە، تاعدىرىم؟ !
سول ءساتتى مۇلدە،
ۇمىتقىم كەلگەن،
ۇمىتقىم كەلگەن.. .
بارلىعىن!

سول ءتۇنى.. . اسپان وكسىگەن شىعار،
قۇدىرەت سولاي جازعاسىن.
اق ۇلپا، اپپاق كوبەلەكتەرگە
اينالعان شىعار كوز جاسى.

وسىلاي ەندى.. . قار جاۋسا بولدى
كۇيەرىن جاننىڭ ءبىلدىم بە؟ !
.. .سول ءتۇنى ماعان،
قول بۇلعاپ تۇرىپ،
جىلادىڭ با الدە كۇلدىڭ بە؟ !
سول ءتۇنى.. .
تاۋدىڭ ءيىسى

.. .التى جاسار ۇل ەدىم.
P. S

كوك اسپاننىڭ استىنان،
قارا جەردىڭ ۇستىنەن
مەنى تاپپاي جىلاپ جۇرگەن بالانىڭ،
وۋ، كۇرەڭ تاۋ، قاراعىم
سۇرتە سالشى
بوز جۋسانمەن جانارىن.

ول قۇشاقتاپ وكسيتىن
قوڭىر- قوڭىر دوڭدەردىڭ،
كۇرسىنىسىن جۇرەگىمە وڭگەردىم.
ساعىنىشپەن اۋىرعان
مىناۋ شەرلى كوڭىلدى
قارا ادىرعا ۇيىعان اي سۇتىمەن ەمدەرمىن.

وۋ، بۇلدىراعان ساعىمدار،
قالجىراعان ساعىمدار،
الداماڭدار بالانى،
ارباماڭدار بالانى،
كوكىرەگىنە ءۇمىت وتىن جاعىڭدار،
جاقپارلاردا جاتىپ الماي
تومەن قاراي اعىڭدار؛
وزەن، وزەن، وزەندەر،
ولەڭدەرگە جۇگىرگەن،
وڭمەنىڭە ۇمتىلسا بەتىن قاقپاي بالانىڭ،
بەتىن جۋا سالىڭدار.

ول مۇڭسىز، ءۇنسىز ويناعان،
قيالىمەن ءسوزدىڭ بويىن بويلاعان،
جاعالاۋدىڭ اق كەمەرىن ءوزىم بارىپ قۇشقاندا،
ءدال توبەمنەن سارى الا قاز ۇشقاندا،
جىلانقياق گۇلدەرىنە اينالام!

***

كۇن تۋعاندا باسىڭا
جولامايدى كولەڭكەلەر قاسىڭا.. .
كۇن تۋعاندا باسىڭا
قانداي عاجاپ اي تۋعانى كەرىلىپ،
ۇمىتاسىڭ ساتقىندىعىن ساعاتتىڭ،
بارلىعىنان جەرىنىپ،
وتىراسىڭ جالعىز ءوزىڭ ەگىلىپ،
قانداي عاجاپ!
جۇك تۇسكەندەي ارقاڭنان
ۇڭىلەسىڭ ومىرىڭە بالكوننان،
ءومىر ساعان ۇڭىلەدى،
جارىقتىق،
اشى وكسىك تىعىلادى قولقاڭا،
شەر تولقيدى، تىستەنەسىڭ، شىدايسىڭ،
كوڭىلىڭنىڭ كەمسەڭىنە قۇلايسىڭ.. .
قاپ- قارا ءتۇن سيپاعاندا باسىڭنان،
شىداي الماي جىلايسىڭ،
قانداي عاجاپ!

ەس جيۋ

ايا، مەن ەندى وزىمە اۋانى دوس ەتەم،
اۋامەن قوسىلىپ جىلادىم،
كوڭىلى بوس ەكەن، اياۋلى.. .
بەتىمنەن يسكەيدى، كۇرسىنىپ، جارىعىم،
ول دا سول.. .
ماس ەكەن.
دەرت ىشكەن، مۇڭ ىشكەن بەيباعىم،
ەسىنە ءتۇستى مە قايداعى؟
جاڭبىرداي جىلايدى،
تاعدىرداي كۇرسىنىپ.. .
ۋف.. .
.. .نەسىنە ءومىردى ويلادىم.
بىلەمىن،
جوعالتقان سوزدەردى تابامىز
ءبىر كۇنى.
ال ەندى،
اۋانىڭ يسىنە قاراڭىز.. .
نەسىنە ءومىردى ويلادىم.. .
اياگۇل،
بارىنە كىنالى قارا كۇز.. .

«. »

ەڭ اقىرعى ءتۇن سياقتى. مىنا ءتۇن.
قىزىق ەمەس. جوق ەشقانداي جوسپارىم.
جوق ەشقانداي ماقساتىم.

مۇراتىم.

ءومىر دەگەن – جالعىز ءتۇن. كەش ءبىلدىم.
ەشكىم مەنى ىزدەپ ءجۇر.
ىزدەمەيمىن ەشكىمدى.

جەر بەتىندە ەشكىم جوق. سول.
سەبەبى جوق – سەبەبى.
«بىرەۋ قايتىس بولىپتى» .
كۇلكىم كەلەدى.

اپاتيا

ىمىرت تاعى ولەڭ وقىپ وتكەنگە،
كوشەلەردەن ءسوز جيناپ ءجۇر كوپ پەندە.. .
ەرتەڭ ءۇمىت سىعالاعان شىعىستان،
كەلەر جىلى قار جىلاپ تۇر كوكتەمدە.

ال سەن بولساڭ ءتۇس كورەسىڭ كۇنىمەن،
ءومىر ءسۇرىپ وي كەشەسىڭ تۇنىمەن.
جەلدىڭ مۇڭىن تۇسىنبەگەن بولاسىڭ،
اي تۋعاندا اپپاق گۇلدىڭ تۇبىنەن.. .

ەگەر.. .

.. .تاعدىرىمدى ويلادىم دەپ ويلايسىڭ،
سەنىمسىزدەۋ سەنىممەن.
ويلامايسىڭ.
ويلامايسىڭ، ويىنشىقپەن وينايسىڭ،
دۇرىس پا؟ !
بارلىق ادام ويناپ ءجۇر،
كوڭىلمەن.
مىنە، تاعى بارا جاتسىڭ جۇمىسقا،
كەلە جاتسىڭ ومىردەن.. .

قار

وسىلاي ەريمىن،
ەريمىن الا- قان- ىن- دا زاماننىڭ.. .

قار.
اداسقاق قار.. .
سەن- داعى الاقانىمدا بالقيسىڭ،
ەريسىڭ سەن دە
دىرىلدەك مۇڭىنداي وبالدىڭ،
ءمولت ەتىپ،
ەرىكسىز،
كوزىمنىڭ الدىندا جوعالدىڭ،
وكىندىم.
نەسىنە جولادىم مەن ساعان؟ !
وسى ما، وسى ما ارمانىم اڭساعان؟ !

قار.
اپپاق ەدىڭ عوي،
كىرلەدىڭ، تاپتالدىڭ تاباندا.. .
وبال جوق ساعان دا،
ماعان دا.. .

وتكىنشى ءدۇنيا- اي،
قار.. .

اۆتورمەن ديالوگ

– بارارىمىز – جەر، – دەيسىز،
ءبارى – جالعان.
– ولەم، – دەيسىز،
ولمەيسىز.

– ءولىم دەگەن – جوعالۋ دەپ، كىم ايتتى؟ !

– ءوزىڭىز،
باق پەن سوردى تۇسىنەسىز، بىلەسىز،
كوزىڭىزدە مۇڭ جىلاپ تۇر،
تۇنجىراپ تۇر ءسوزىڭىز،
بەرگى جاقتان كۇلەسىز،
ارعى جاقتا ايدىڭ بەتىن تىرمالايدى كوزسىزدىك،
بارارىمىز – جەر ەمەس.
– جەردىڭ ءوزى – كوردىڭ ءوزى.
– شەكسىزدىك.. .
.. ء.وپ- وتىرىك سەنبەيسىز،
ءبىلىپ تۇرىپ بىلمەگەندەي بولاسىز،
كورىپ تۇرىپ كورمەگەندەي بولاسىز.. .
نە

شىنىمەن كورمەيسىز.. .
نە
شىنىمەن بىلمەيسىز.. .

ر. S.

ادامنىڭ دىلىنە قارسى
اينالادى باقىت،
ساعاتتىڭ تىلىنە قارسى
اينالادى ۋاقىت.

توپىراق دەمى

توپىراق،
مەن جاساندى مۇڭنان قورقامىن…
تۇننەن قورقامىن دۇعاسىز.
سوقىر سوزدەردەن…
قابىرگە اينالعان قاراڭعى- ى- ى كوزدەردەن،
كىنالى كىرپىكتى جۋعان كۇناسىز جاستان….
تاۋبەسىز باستان قورقامىن،
توپىراق!

اللانىڭ «ويى» جاۋىپ تۇر اسپاننان،
مەيىرىم جاۋىپ تۇر، ءموپ- ءمولدىر.
ءيا، راس،
ءبىز – جەتىمبىز جەرگە تاستالعان،
ماستانعان جوققا،
نە
راحىم نۇرىنا ماس بولعان،
ۇمىتشاق نۇكتەمىز – اداسقاق…

توپىراق،
مەن، وزىمنەن قورقامىن…
توزىمنەن قورقامىن كەكتەنگەن.
كوپىرىك داۋىسقا كومىلگەن،
وتىرىك سەزىمنەن،
قورقامىن توپىرا- ا- اق…

قاراشى،
جاڭبىر كەتىپ بارادى…
قايدا كەتىپ بارادى؟
تاعدىر كەتىپ بارادى.. .
قايدا كەتىپ بارادى؟
قاراشى،
تامشى ءمولت ەتە ءتۇستى…
شولپ ەتە ءتۇستى ءبىر ءومىر.
توپىراق!

***

.. .ەندى ساعان كوسەمسىپ، نە دەمەكپىن؟ !
قار جاۋىپ تۇر.. . قاراشى، كەرەمەت كۇن.
كوكتەم ەمەس، كەشىككەن تاعدىر شىعار،
قار جاۋىپ تۇر.. . قار ەمەس – كوبەلەك- مۇڭ.

ەركەلەدىڭ، ادەيى، كۇلىمدەدىڭ،
كىشكەنتايىم.. . قايتەيىن، كۇنىم مەنىڭ.
ءبارى جاقسى، تاماشا، دۇرىس ءبارى،
قىزىق ماعان، جىعىلىپ، سۇرىنگەنىم.

سولاي، سولاي.. .
.. .جىلاتامىن، جۇرەكتى ۇلىتامىن.
ءوپ- وتىرىك جانىمدى جىلىتامىن.
ەشتەڭە دە بولعان جوق، قار جاۋىپ تۇر.. .
ۇمىتا الام، ۇمىتام، ۇمىتامىن.. .

ءبارىن ۇمىتامىن.. .