سولتۇستىك قازاقستان وبلىسىنداعى مەكتەپ- ينتەرناتتا سپورت زالدارى اشىلدى

31-500x31010.09.2014
10 قىركۇيەك. پەتروپاۆل قالاسىندا ورنالاسقان سپورتتاعى دارىندى بالالاردىڭ مامانداندىرىلعان مەكتەپ- ينتەرناتىندا دزيۋدو، اۋىر اتلەتيكا، تاەكۆوندو جانە بوكس زالدارى اشىلىپ، پايدالانۋعا بەرىلدى. بۇل تۋرالى egemen.kz ءتىلشىسى حابارلادى.

سپورت نىساندارىنىڭ سالتاناتتى اشىلۋىنا وبلىس اكىمىنىڭ ورىنباسارى انارحان دۇيسەنوۆا، جەكپەجەك جانە كۇشتىك سپورت تۇرلەرى بويىنشا رەسپۋبليكالىق كونفەدەراتسيا باس ديرەكتورىنىڭ ورىنباسارى سەرىك قاسقاباسوۆ، ەلىمىزدەگى اۋىر اتلەتيكا فەدەراتسياسىنىڭ جاۋاپتى حاتشىسى مارات مۋسين، رەسپۋبليكالىق تاەكۆوندو فەدەراتسياسىنىڭ سپورت ديرەكتورى، وليمپيادانىڭ قولا جۇلدەگەرى ارمان شىلمانوۆ قاتىستى.

بۇل ءبىلىم وشاعىندا بۇگىنگە دەيىن گرەك- ريم، ەركىن كۇرەس جانە ۆولەيبول زالدارى جۇمىس ىستەپ كەلسە، ەندى جاتتىعۋ الاڭدارى جەتەۋگە جەتتى. قاراجات تاپشىلىعىنا بايلانىستى بوس تۇرعان سپورت زالدارىن وبلىس اكىمى مەن كونفەدەراتسيا اراسىنداعى مەموراندۋمدىق ۋاعدالاستىققا وراي جاڭعىرتۋعا جانە قۇرال- جابدىقتار ساتىپ الۋعا 40 ميلليون تەڭگە جۇمسالىپ، «سامۇرىق- قازىنا» ءال- اۋقات ۇلتتىق قورى مەن «قازمۇنايگاز» كومپانياسى دەمەۋشىلىك كورسەتتى. سونىمەن قاتار، اۋىر اتلەتيكا مەن تاەكۆوندونىڭ فيليالدارى اشىلىپ، بۇلارعا قوسا بوكس، دزيۋدو سپورت تۇرلەرىن دامىتۋعا وبلىستىق اكىمدىك قوسىمشا 50 ميلليون تەڭگە بولەتىن بولدى.

سونداي- اق، مەيماندار جۋىردا ىسكە قوسىلعان شاعىن فۋتبول الاڭىن دا تاماشالادى. بۇعان دەيىن ايماق باسشىسى ەرىك سۇلتانوۆتىڭ باستاماسىمەن قالانىڭ ىقشاماۋداندارىندا وسىنداي 15 فۋتبول الاڭى پايدالانۋعا بەرىلگەن بولاتىن.

ءومىر ەسقالي.

دەرەككوز: egemen.kz.

فوتو: sputnik-kirov.ru.