قازاقستاندا جاڭا مينيسترلىك قۇرىلدى

min
مەملەكەت باسشىسى نۇرسۇلتان نازاربايەۆتىڭ جارلىعىمەن قازاقستاندا قورعانىس جانە اەروعارىش ونەركاسىبى مينيسترلىگىن قۇرىلدى دەپ حابارلايدى ەگەمەن- اقپارات اقوردانىڭ باسپا ءسوزى قىزمەتىنە سىلتەمە جاساپ.
جارلىققا سايكەس جاڭا مينيسترلىكتىڭ نەگىزگى قىزمەت باعىتتارى مىناداي:
قورعانىس، اەروعارىش ونەركاسىبى جانە ەلەكتروندىق ونەركاسىپ، اقپاراتتاندىرۋ جانە بايلانىس سالاسىنداعى اقپاراتتىق قاۋىپسىزدىك (كيبەرقاۋىپسىزدىك) ، جۇمىلدىرۋ دايارلىعى جانە جۇمىلدىرۋ سالاسىنداعى مەملەكەتتىك ساياساتتى ىسكە اسىرۋ، مەملەكەتتىك ماتەريالدىق رەزەرۆتى قالىپتاستىرۋ جانە دامىتۋ، ءبىرىڭعاي اسكەري- تەحنيكالىق ساياساتتى جانە اسكەري- تەحنيكالىق ىنتىماقتاستىقتى جۇرگىزۋگە قاتىسۋ، قورعانىستىق تاپسىرىستى قالىپتاستىرۋ، ورنالاستىرۋ جانە ورىنداۋ سالاسىنا باسشىلىق جاساۋ.

جاڭادان قۇرىلعان مينيسترلىككە:

قازاقستان رەسپۋبليكاسىنىڭ قورعانىس مينيسترلىگىنەن – قورعانىس ونەركاسىبى سالاسىنداعى؛

قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنەن – عارىش قىزمەتى سالاسىنداعى؛

قازاقستان رەسپۋبليكاسىنىڭ ۇلتتىق ەكونوميكا مينيسترلىگىنەن – جۇمىلدىرۋ دايارلىعى جانە جۇمىلدىرۋ، مەملەكەتتىك ماتەريالدىق رەزەرۆتى قالىپتاستىرۋ جانە دامىتۋ سالاسىنداعى؛

قازاقستان رەسپۋبليكاسى پرەمەر- ءمينيسترىنىڭ كەڭسەسىنەن – اقپاراتتىق قاۋىپسىزدىكتى قامتاماسىز ەتۋ جانە قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگىنەن اقپاراتتاندىرۋ جانە بايلانىس سالاسىنداعى اقپاراتتىق قاۋىپسىزدىكتى قامتاماسىز ەتۋ سالاسىنداعى فۋنكتسيالار مەن وكىلەتتىكتەر بەرىلەدى.

ەگەمەن- اقپارات