قارجى ۋاقىتىلى يگەرىلۋى تيىس

09 08 - Dariga

پرەمەر-مينيستردىڭ ورىنباسارى داريعا نازارباەۆا «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن جۇزەگە اسىرۋ ماسەلەلەرى جونىندە كەڭەس وتكىزىپ، بىلىم بەرۋ سالالارىنىڭ قۇرىلىسىنا باعىتتالعان قارجىلاي قاراجاتتى ۋاقىتىلى يگەرۋ بويىنشا شارالار قابىلداۋدى تاپسىردى.

اعىمداعى جىلى ۇلتتىق قور قاراجاتى ەسەبىنەن بىلىم بەرۋ نىساندارىنىڭ قۇرى­لىسىنا 57 ملرد. تەڭگە بولىندى، ول قارجىعا بۇگىندە 96 نىساننىڭ قۇرىلىسى جۇرگىزىلىپ جاتىر. ونىڭ ىشىندە 51،2 ملرد. تەڭگەگە 77 مەكتەپ، سونداي-اق، 6،7 ملرد. تەڭگەگە 19 بالاباقشا قۇرىلىسى جۇرگىزىلۋدە.

كەڭەس بارىسىندا بىلىم جانە عىلىم ۆيتسە-مينيسترى بيبىگۇل اسى­لوۆا 1 تامىزداعى جاعداي بوي­ىن­شا جەرگىلىكتى اتقارۋشى ورگان­دارعا 26،9 ملرد. تەڭگە، ياعني جىلدىق جوسپاردىڭ
46%-ى اۋ­دارىلعانىن مالىمدەدى. ۆيتسە-مي­نيستر 21 بىلىم بەرۋ نىسانى، ونىڭ ىشىن­دە 13 مەكتەپ (قىزىلوردا وبلى­سىندا – 2، وقو-دا – 7، اقتوبە، شىعىس قازاقستان جانە ماڭعىستاۋ، سول­تۇستىك قازاقستان وبلىستارىندا – 1 مەكتەپتەن)، سونداي-اق، 8 بالاباقشا (الماتى وبلىسىندا – 2، قاراعاندى، ماڭعىستاۋ وبلىس­تارىندا، سقو-دا، وقو-دا، الما­تى قالاسىندا – 1 نىساننان) پايدا­لانۋعا بەرىلگەنىن جەتكىزدى.

وعان قوسا، ول مەردىگەرلەردىڭ سوتقا جۇگىنۋى، تالقىلاۋى، مەردى­گەردىڭ قۇرىلىس-مون­تاج جۇمىستارى كەستەسىنەن كەيىن قالۋى، مەملەكەتتىك ساتىپ الۋلاردىڭ اياقتالماعان راسىمدەرى جانە كەلىسىمشارتتى كەش جاساۋ قاراجاتتىڭ يگەرىلمەۋىنىڭ نەگىزگى سەبەپتەرى بولىپ تابىلاتىنىن ايتتى.

وز كەزەگىندە پرەمەر-مينيستر­دىڭ ورىن­باسارى د.نازارباەۆا وب­لىستاردىڭ، استانا جانە الماتى قالالارىنىڭ اكىمدىك­تەرىنە بىلىم بەرۋ نىساندارىن پايدالانۋ­عا بەرۋ مەرزىمدەرىن كەشىكتىرگەن مەردىگەرلەرمەن جۇيەلى جۇمىستار جۇرگىزۋدى تاپسىردى.

«قارجىلاي قاراجاتتى ۋاقىتىلى يگەرۋ بويىنشا شارالاردى قابىلداۋ، سونداي-اق، باقىلاۋدى كۇشەيتۋ جانە تيىستى ۆەدومستۆو تاراپىنان نىساندار قۇرىلىسىنىڭ بارىسىنا مونيتورينگ جۇرگىزۋ تەتىگىن جاساۋ قاجەت»، دەپ اتاپ كورسەتتى د.نازارباەۆا.

«ەگەمەن-اقپارات»