بىزدىڭ تانكيستەر ەرلەدى

بىزدىڭ تانكيستەر ەرلەدى

03-1-91

قازاقستان تانكيستەرى «تانك بياتلونى-2016» سايىسىنىڭ كەزەكتى جەكە جارىسىندا ۇزدىك ناتيجە كورسەتتى. تانك كومانديرى اعا لەيتەنانت اسىلبەك مۇسىرمانقۇلوۆتىڭ جەتەكشىلىك ەتۋىمەن ەكيپاج قاشىقتىقتى باتىل ەڭسەرىپ، وق اتۋدى ساتتى ورىندادى. سويتىپ، سەربيا، بەلارۋس جانە يراننىڭ كوماندالارىن جەكە جارىستا باسىپ وزدى.

تانك بياتلونى بويىنشا كوماندامىز ۇشىن بۇل – بايقاۋدىڭ بىرىنشى كەزەڭىندەگى ۇشىنشى جەكە جارىس. الدىڭعىلارىندا قازاقستاننىڭ ەكيپاجدارى وز­دەرىنىڭ جەكە جارىستارىندا سەربيا، ۇندىستان، رەسەي، ني­­كاراگۋا، بەلارۋس جانە ار­مەنيانىڭ كوماندالارى اراسىندا كوشباسشىلىق پوزيتسيا­نى ساقتاي وتىرىپ، جوعارى دا­يىندىق دەڭگەيىن پاش ەتكەن ەدى. الايدا، مۇنىمەن باسەكە اياق­تالمايدى. الدا قاتىسۋشى كوماندالاردا جارتىلاي فينال جانە فينال كۇتىپ تۇر. ەگەر سايىستىڭ بىرىنشى كەزەڭىنە بار­لىق 17 ەل قاتىسقان بولسا، كە­لەسى كەزەڭگە تەك 12 كوماندا وتەدى. فينالدا تەك تورت ەڭ ۇزدىك جانە كاسىبي وكىل كەزدەسەتىن بولادى.

قازىرگى ۋاقىتتا قازاقستان مەن رەسەيدىڭ 20 اسكەري پوليگونىندا، سونداي-اق، بالتىق، قارا تەڭىز بەن كاسپي تەڭىزىنىڭ سۋ ايدىندارىندا ارميا حا­لىقارالىق ويىندارى-2016 قىزۋ جۇرىپ جاتىر. ەكى بايقاۋ دا ەلىمىزدىڭ اۋماعىندا العاش رەت وتىپ وتىر. ال 2017 جىلى ەلى­مىز وز جەرىندە ارمي-دىڭ 6 بايقاۋىن وتكىزەدى. ونىڭ ىشىندە ەكەۋى جاڭا بايقاۋ.

سونىمەن، ارميا حالىق­ارالىق ويىندارىنىڭ باعدار­لاماسىنا العاش رەت بروندال­عان اۆتوماشينالارداعى راللي جانە ايەل اسكەري قىزمەتشى­لەر­گە ارنالعان كوپسايىس ارنا­يى بايقاۋى قوسىلادى. ار­ميا ويىن­دارىنىڭ قازىرگى باي­قاۋلارىنىڭ ىشىنەن كەلەسى جىلى اسكەري اسپازشى­لار­دىڭ «دالالىق اس ۇي»، كينو­لوگتاردىڭ «ادال دوس» سايىسى، اتقىشتار مەن مەرگەندەردىڭ «ارتيلەريالىق وق اتۋ شەبەر­لەرى» مەن «مەرگەن شەبى» جارىس­تارى وتەدى.

«ەگەمەن-اقپارات»