قاداعالاۋ پارمەنى

4ح6 باكيروۆ-1

پروكۋراتۋرا ورگاندارىنىڭ قاداعالاۋدى جۇزەگە اسىرۋداعى باستى ماقساتى – ازاماتتاردىڭ كونستيتۋتسيالىق قۇقىقتارى مەن بوستاندىقتارىن، سونداي-اق، قوعام مەن مەملەكەتتىڭ زاڭمەن قورعالاتىن مۇددەلەرىن قورعاۋ بولىپ تابىلادى. بۇل ورايدا ادام قۇقىعىن قورعاۋ ماسەلەسىنە قاتىستى پروكۋراتۋرا ورگاندارىنىڭ اتقاراتىن قىزمەتىنىڭ ماڭىزدىلىعىنا توقتالا وتىرىپ، وسى سالادا قول جەتكىزگەن جەتىستىكتەرىمىز تۋرالى ايتا الامىز.

 

الماتى وبلىسى بويىنشا پرو­كۋراتۋرا ورگاندارىنىڭ سوتقا دەيىنگى قىلمىستىق پروتسەستە زاڭدىلىقتىڭ ساقتالۋىن قاداعالاۋدى جۇزەگە اسىرۋ­دا، قىلمىستىق پروتسەسكە قاتى­سۋ­شىلاردىڭ كونستي­تۋتسيا­لىق قۇ­قىقتارىنىڭ ساقتا­لۋىنا باسا نازار اۋدارۋدا. ماسە­لەن، قىل­مىستىق ىزگە تۇسۋ ورگاندارىنىڭ قىلمىسقا جانە اكىمشىلىك قۇ­قىق بۇزۋشىلىققا قاتىسى بار ازاماتتاردى ۇستاۋ، جەتكىزۋ، كۇزەتپەن ۇستاۋ زاڭدىلىعىنا كۇندەلىكتى تەكسەرۋلەر ۇيىمداستىرىلۋ ارقىلى جۇزەگە اسىرىلادى. تەكسەرۋلەر ناتيجەسىمەن اعىمداعى جىلى زاڭسىز ۇستالعان 5 ازامات ىشكى ىستەر ورگاندارىنىڭ قىزمەتتىك بول­مەلەرىنەن شىعارىلدى.

قازىرگى تاڭدا بارلىق قۇقىق قورعاۋ ورگاندارىندا «ەلەك­تروندىق ەسەپكە الۋ» جۇيەسى ەنگىزىلىپ، قىزمەت اتقارۋدا. ياعني، قىلمىستىق ىزگە تۇسۋ ورگانىنىڭ عيماراتىنا كىرگەن، ەرىكسىز جەتكىزىلگەن ازامات تۋرالى تولىق مالىمەت ەلەكتروندىق جۇيەگە دەرەۋ ەنگىزىلەدى جانە پروكۋراتۋرا ورگاندارىنىڭ قىزمەتكەرلەرىنە قىزمەتتىك كابينەتتەن شىقپاي باقىلاپ وتىرۋعا مۇمكىندىك بەرەدى. سون­داي-اق، تۇرمەدەگىلەردىڭ سانىن كەمىتۋ ساياساتىن جۇزەگە اسىرۋ ماقساتىندا، وبلىستىق پروكۋراتۋرامەن «كۇزەتپەن ۇستاۋ» بۇلتارتپاۋ شاراسىنىڭ تەك ەرەكشە جاعدايلاردا عانا اسا اۋىر جانە اۋىر ساناتتاعى قىلمىس جاساعان ادامدارعا قولدانىلۋى قاداعالانۋدا. بۇگىنگى تاڭدا وبلىس بويىنشا قىلمىس جاساعان 619 ادامعا تۇرلى بۇلتارتپاۋ شارالارى قولدانىلسا، ونىڭ ىشىندە 180 ادامعا نەمەسە 29 پايىزىنا قاتىستى «كۇزەتپەن ۇستاۋ» تۇرى قولدانىلعان. وتكەن جىلى بۇلتارتپاۋ شاراسى 293 ادامعا قاتىستى قولدانىلىپ، بيىلعى جىلمەن سالىستىرعاندا، 38،5 پايىزعا تومەندەپ وتىر. وبلىستىق پروكۋراتۋرا تاراپىنان قىلمىس جاساعان ادامدارعا «كەپىل» تۇرىندەگى بۇلتارتپاۋ شاراسىن كەڭىنەن قولدانۋ باعىتىندا بىلتىرعى جىلى «كەپىل» تۇرىندەگى بۇلتارتپاۋ شاراسى 750 ادامعا نەمەسە بارلىق قولدانىلعان بۇلتارتپاۋ شارالارى ىشىندە 44،4 پايىزدى قۇراسا، بۇگىنگى كۇنگە 425 ادامعا قولدانىلىپ، 70 پايىزدان اسقان. اتالعان بۇلتارتپاۋ شاراسىن قولدانۋدا قىلمىسكەرلەر مەن ولاردىڭ تۋىستارىمەن 1 ملرد. 220 ملن. تەڭگەنى قۇرايتىن مۇلىك كەپىلگە الىنعان.

اتقارىلعان پروكۋرورلىق قاداعالاۋدىڭ ناتيجەسىمەن، وتكەن جىلى قىلمىستىق ىزگە تۇسۋ ورگاندارىمەن زاڭسىز قىل­مىس­تىق جاۋاپقا تارتىلعان 7 ازاماتقا قاتىستى قىلمىستىق ىستەردى پروكۋرورلار قىسقارتىپ، ازامات­تاردىڭ كونستيتۋتسيالىق قۇقىقتارى قورعالدى.

سايان باكىروۆ،
الماتى وبلىسى پروكۋرورىنىڭ ورىنباسارى
الماتى وبلىسى