تاجىكستان تۇرعىندارى اۋەلى پۋتينگە، سوسىن نازاربايەۆقا سەنەدى

26-08-14-dushanbe-1استانا. 26 تامىز. تاجىكستان تۇرعىندارى اراسىندا ۇستىمىزدەگى جىلدىڭ 7 ماۋسىمىنان 1 شىلدەسىنە دەيىن جۇرگىزىلگەن ساۋالدامانىڭ قورىتىندىسى ولاردىڭ 85 پايىزىنىڭ رەسەي فەدەراتسياسىنىڭ پرەزيدەنتى ۆلاديمير پۋتينگە سەنىم بىلدىرەتىنىن بايقاتسا، كەلەسى ورىندا تۇرعان قازاقستان پرەزيدەنتى نۇرسۇلتان نازاربايەۆقا رەسپوندەنتتەردىڭ 41 پايىزىنىڭ بۇيرەگى بۇراتىنىن ايعاقتاپ بەردى. بۇل تۋرالى بۇگىن ورتالىق ازيادا قوعامدىق پىكىردى زەرتتەۋمەن اينالىساتىن «تسەنترالنو- ازياتسكي بارومەتر» ۇكىمەتتىك ەمەس تاۋەلسىز ۇيىمىنىڭ دەرەگىنە سىلتەمە جاساعان «ازيا- پليۋس» اگەنتتىگى حابارلادى.

ساۋال سالۋدا تاجىكستان تۇرعىندارىنىڭ ەلدەگى احۋالعا، ۇكىمەتكە، تاجىك شەنەۋنىكتەرىنىڭ رەيتينگىلەرىنە، قالىپتاسىپ وتىرعان حالىقارالىق قارىم- قاتىناستارعا، ۋكرايناداعى جاعدايعا كوزقاراستارى، سونداي- اق باق قۇرالدارىنىڭ تانىمالدىلىعى مەن ولارعا سەنىمدەرى زەرتتەلدى. تەلەفونمەن سۇراۋ سالۋ نەگىزىندە جۇرگىزىلگەن شاراعا جاسى 18-دەن اسقان 1077 ادام قاتىسقان. مالىمەتتەردى جيناۋ مەن وڭدەۋدى «M- Vector Tajikistan» زەرتتەۋ كومپانياسى اتقارعان.

سۇراقتاردىڭ اراسىندا تاجىكستان تۇرعىندارىنىڭ كوبىرەك سەنىم ارتا الاتىن شەت ەل ليدەرلەرىنە قاتىستى دا سۇراق بولعان. ونىڭ قورىتىندىسىندا رەسپوندەنتتەردىڭ 85 پايىز داۋىسىن العان رەسەي پرەزيدەنتى ۆلاديمير پۋتين ءبىرىنشى ورىنعا شىققان. ەكىنشى ورىنعا تۇرعىنداردىڭ 41 پايىزدىق سەنىمىن ارقالاعان قازاقستان پرەزيدەنتى نۇرسۇلتان نازاربايەۆ ورنالاستى. ال ءۇشىنشى جانە ءتورتىنشى ورىنداردى ءبىر- بىرىنەن ءسال عانا ايىرىمدارى بار بەلارۋس پرەزيدەنتى الەكساندر لۋكاشەنكو مەن قىتاي باسشىسى سي تسزينپين بولىسكەن. بۇلاردىڭ جيناعان داۋىستارى 35 جانە 31 پايىزدى قۇرايدى. بەسىنشى ورىنعا اقش پرەزيدەنتى باراك وباما تابان تىرەسە (26%) ، گەرمانيا كانتسلەرى انگەلا مەركەل 25 پايىز داۋىسپەن التىنشى ورىنعا تۇراقتاعان. تىزىمگە ەنگىزىلگەن ليدەرلەردىڭ سوڭىن 20 پايىز داۋىسپەن وزبەكستان پرەزيدەنتى يسلام كاريموۆ تياناقتايدى.

تاجىكستان تۇرعىندارى ءوز ەلدەرىنىڭ باستى وداقتاسى رەتىندە رەسەيدى اتايدى. مۇنى سۇراۋ سالىنعانداردىڭ 74 پايىزى اتاپ وتەدى. ولاردىڭ 11 پايىزى بۇل مارتەبەدەن قىتايدى كورسە، 6 پايىزى يراندى، 3 پايىزى قازاقستاندى اۋىزعا الادى.

تاجىكتەردىڭ ۋكرايناعا قاتىستى پىكىرلەرى دە نازار اۋدارۋعا تۇرارلىق. ولاردڭ 38 پايىزى ۋكراينانىڭ قازىرگى ۇكىمەتى ەلدەگى حالىقتىڭ مۇددەلەرىنە جاۋاپ بەرە المايدى دەپ ەسەپتەيدى. ال جاڭا بيلىككە سەنىم بىلدىرۋشىلەر 32 پايىزدى قۇرايدى.

مۇرات ايتقوجا.

دەرەككوز: «ازيا- پليۋس» .

فوتو: east2012.mybb.ru.