ەلباسى ەڭبەك ادامىن ەرەكشە قولدايدى

قازاقستان رەسپۋبليكاسى پرەزيدەنتتىگىنە كانديدات ن.ءا.نازارباەۆتىڭ رەسپۋبليكالىق قوعامدىق شتابىنىڭ مۇشەلەرى اقتوبەدە الەۋمەتتىك سالانىڭ قىزمەتكەرلەرىمەن, بيزنەس قوعامداستىقپەن, فەرروقورىتپا زاۋىتى جانە «اكتيۋبرەنتگەن» اق ۇجىمىمەن, سونداي-اق, ارداگەرلەر ۇيىمدارى مەن پاتريوتتىق كلۋبتاردىڭ وكىلدەرىمەن كەزدەستى.

_MG_8838-1دەلەگاتسيا قۇرامىندا رەسپۋب­ليكالىق قوعامدىق شتاب جەتەكشىسى مۇحتار قۇل-مۇحاممەد, «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك, «اق جول» دەموكراتيالىق پارتياسىنىڭ توراعاسى ازات پەرۋاشەۆ, «بىرلىك» پارتياسىنىڭ توراعاسى سەرىك سۇلتانعالي, قازاقستان حالقى اسسامبلەياسى توراعاسىنىڭ ورىن­باسارى اناتولي باشماكوۆ, پارلا­مەنت دەپۋتاتتارى ەلەۋسىن ساعىن­دىقوۆ پەن مايرا ايسينا, رەسپۋبلي­كا­لىق نەيروحيرۋرگيا عىلىمي ورتالى­عىنىڭ باس ديرەكتورى سەرىك اقشو­لاقوۆ, رەسپۋبليكالىق تاۋ-كەن جانە كەن شىعارۋ كاسىپورىندارى قاۋىمداس­تىعىنىڭ اتقارۋشى ديرەكتورى نيكولاي رادوستوۆەتس جانە باسقالار بولدى.

ەلباسىنىڭ اقتوبەلىك جاقتاستارىمەن العاشقى كەزدەسۋ وتكەن ق.جۇبانوۆ اتىنداعى وڭىرلىك مەملەكەتتىك ۋنيۆەرسيتەتتىڭ ستۋدەنتتەر سارايىنا الەۋمەتتىك سالانىڭ قىزمەتكەرلەرى جينالدى. ولاردىڭ ءبارى نۇرسۇلتان نازارباەۆ ءۇشىن داۋىس بەرەتىندەرىن ءبىراۋىزدان مالىمدەدى. سەبەبى, اقتوبەلىكتەر بۇگىنگى قازاقستاننىڭ ەكونوميكالىق جەتىستىكتەرى مەن ادىلەتتى الەۋمەتتىك ساياساتىن ەلباسىنىڭ ەسىمىمەن بايلانىستىرادى.

ون توعىز جىلدىق ەڭبەك ءوتىلى بار دارىگەر ەركىن ساتاەۆ «بولاشاق» پرەزيدەنتتىك باعدارلاماسىنىڭ ارقا­سىن­دا, ماشىقتانىپ جاتقان باسقا دا ءدا­رىگەرلەر سياقتى, الەمدىك داڭقى بار ەۋروپالىق مامانداردىڭ تاعىلىم­دا­ماسىنان وتكەنىن جانە بىرەگەي تاجىريبە جيناعانىن اتاپ ءوتتى. رقش مۇشەلەرىنىڭ الدىندا سويلەگەن سوزىندە ول بىلاي دەدى: «جەكە ءوزىم, بيىل تۇڭعىش رەت داۋىس بەرۋگە باراتىن مەنىڭ قىزىم جانە «بولاشاق» باعدارلاماسىنىڭ ستي­پەندياتى بولىپ تابىلاتىن مەنىڭ زايىبىم – ءبارىمىز نۇرسۇلتان نازار­باەۆ ءۇشىن داۋىس بەرەمىز! ويتكەنى, ەلبا­سىنىڭ ارقاسىندا ءبىز وسى ومىردەگى ورنىمىزدى تاپتىق».

رقش مۇشەلەرى اقتوبە فەرروقورىتپا زاۋىتىندا بولدى. كاسىپورىندا 4 مىڭعا جۋىق ادام جۇمىس ىستەيدى.

جاڭا تەحنولوگيالاردى ەنگىزۋ بو­يىنشا باس مامان جانىبەك نۇرمۇ­حان­بەتوۆ كەزدەسۋدە بىلاي دەدى: «ءبىزدىڭ جو­­لىمىز بولدى, ويتكەنى ءبىزدىڭ ليدەرى­مىزدىڭ ءوزى دە ەڭبەك ۇجىمىنان شىقتى. ول باس­قالارعا قاراعاندا جۇمىسشىنىڭ قاجەت­تىلىگى مەن ءۇمىتىن جاقسى بىلەدى. سون­دىقتان دا ءبىز, قازاقستاننىڭ مەتال­لۋرگتەرى نۇرسۇلتان نازارباەۆقا داۋىس بەرەمىز!»

عازيزا جۇبانوۆا اتىنداعى وبلىستىق فيلارمونيادا رقش مۇشەلەرىنىڭ ارداگەرلەر ۇيىمدارى جانە پاتريوتتىق كلۋب وكىلدەرىمەن كەزدەسۋى بولدى. كەزدەسۋگە قاتىسۋشىلار حالىقتىڭ تۇراقتى دامۋى مەن ەل يگىلىگىنىڭ كەپىلى بولىپ تابىلاتىن نۇرسۇلتان نازارباەۆتىڭ ماڭىنا بىرىگۋى قاجەت ەكەنىن ەرەكشە ايتتى.

اقتوبەلىك كاسىپكەرلەرمەن دە كەزدەسۋ بولىپ ءوتتى. دوڭگەلەك ۇستەل بارىسىندا جەرگى­لىكتى بيزنەسمەندەر مەملەكەت باسشىسى ۇسىنعان بەس ينستيتۋتتىق رەفورمانى تۇتاستاي قولدايتىندارىن ايتتى. «اقتوبە ايماعىنىڭ كاسىپكەرلەرى مەملەكەت باسشىسىنىڭ ستراتەگيالىق جوسپارلارىن قولدايدى جانە تەك قانا ەلباسىمەن – نۇرسۇلتان نازارباەۆپەن بىرگە بەلگىلەنگەن زور مىندەتتەردى جۇزەگە اسىرۋ ءۇشىن بارلىق كۇش-جىگەرلەرىن جۇم­سايدى», – دەدى «كازترۋبپروم» جشس-نىڭ ديرەكتورى ۆسەۆولود ششەگەلسكي.

جاس كاسىپكەر تيمۋر قاليەۆ ءوز ءسو­زىندە بىلاي دەدى: «مەن توعىز جىل بويى كاسىپكەرلىك قىزمەتپەن اينالى­سىپ كەلەمىن. ءبىز بۇكىل باتىس قازاقستان بو­يىنشا جۇمىستاردى ورىندايمىز. ال ەندى ەاەو مەنىڭ بيزنەسىمنىڭ ەش كەدەرگىسىز رەسەي نارىعىنا شىعۋىنا مۇمكىندىك بەردى. مەن ءوزىمىزدىڭ پرەزيدەنتىمىزگە ءبىز ءۇشىن ميلليونداعان جاڭا نارىققا جول اش­قانى ءۇشىن العىسىمدى بىلدىرگىم كەلەدى».

رقش مۇشەلەرى «اكتيۋبرەنتگەن» اق-تىڭ قىزمەتكەرلەرىمەن دە كەزدەستى. زاۋىت جۇمىسشىلارى پرەزيدەنتتىڭ ارقاشان ەڭبەك ادامىنا قولداۋ كورسە­تەتىنىن, سوندىقتان دا ولار ءوز داۋىستارىن ەلباسى – نۇرسۇلتان نازارباەۆقا بەرەتىندەرىن مالىمدەدى.

ساتىبالدى ءساۋىرباي,

«ەگەمەن قازاقستان».

اقتوبە.