ناسيحاتتىڭ ءتاسىلىن تاپقان ناۋبايحانا

ەلىمىزدە ۇستىمىزدەگى جىلدىڭ 26 ساۋىرىندە وتەتىن پرەزيدەنتتىك سايلاۋدىڭ ماڭىزدىلىعىن تۇسىندىرە وتىرىپ, حالىقتى داۋىس بەرۋگە شاقىرۋ جۇمىستارى ءجۇرىپ جاتىر. وسى ورايدا, الماتى قالاسىنداعى ناۋبايحانالار دا سايلاۋ ناۋقانىنا قولداۋ بىلدىرەتىندەرىن ناقتى ىسپەن دالەلدەۋدە.

1قازىرگى تاڭدا الماتىداعى كەيبىر دۇكەندەردە بەتىندە «26» سانى بەدەرلەنگەن ءتاتتى تورتتار كوپ­تەپ سا­تىلۋدا. ونى ءوندىرۋشى ناۋ­باي­حانا الگى ساندى تەگىننەن-تەگىن تاڭ­­دا­ماعانى بەلگىلى. ويتكەنى, «26» تاڭباسى پرەزيدەنتتىك سايلاۋ وتە­تىن (26 ءساۋىر) كۇندى بىلدىرەدى. ساتۋ­شىلاردىڭ سوزدەرىنە قاراعاندا, اتالمىش ونىمگە دەگەن حالىقتىڭ سۇ­رانىسى كۇن سايىن ارتىپ كەلە جاتقان كورىنەدى.

جالپى, سايلاۋدى ناسيحاتتاۋ ماقساتىندا ءپىسىرىلىپ, ساتىلىمعا شىعارعان «26» ساندى نان ونىمدەرى دۇكەندەرگە ءساۋىر ايىنىڭ العاشقى كۇندەرىنەن باستاپ ءتۇسىپتى. اۋەلگىدە ناۋبايحاناشىلار ىرىمداپ, الگىندەي 26 تورت ءپىسىرىپتى. ولار تەز ارادا ساتىلىپ كەتكەن. سودان كەيىن, ءونىم سانى ارتتىرىلعان.

ناۋبايحانا قىزمەتكەرلەرى سايلاۋدى تەك سوزبەن عانا ەمەس وسى ىسپەتتەس تاسىلدەردى دە قول­دا­نىپ ناسيحاتتاعان ءجون دەپ ەسەپ­تەيتىندەرىن ايتادى. قازىر كاسىپ­ورىندا تىنىم جوق ەكەن. ءدامى ءتىل ءۇيى­رەتىن, قۇلپىناي جانە ورىك توسا­بىمەن بەزەندىرىلگەن تورتتار 500 تەڭگەدەن ساتىلىپ جاتىر. بۇل, ارينە, كوڭىلگە قونىمدى باعا.

جولدىباي بازار,

«ەگەمەن قازاقستان».