قۇتقارۋشىلارعا مىڭ العىس

بيىلعى  جىلدىڭ  24 ناۋرىز كۇنى شامامەن ساعات كەشكى 5-ءتىڭ كەزىندە توپان سۋ ەڭ الدىمەن ا.ماتروسوۆ كوشەسىندەگى, سوڭىنان ىرگەلەس جاتقان مير, پەكارسكي پەرەۋلوك, يۋجنايا, ج.قىزداربەكوۆ اتىنداعى كوشەلەرىندەگى ۇيلەردى باسىپ ءوتتى, ءتىپتى, ا.ماتروسوۆ كو­­شەسى, 42 ۇيدە تۇراتىن تالعات  نۇر­ماعانبەتوۆ 57 باس ۇلكەن-كىشى­لى قوي-ەشكىسىن مال قوراسىنان شىعارىپ تا ۇلگەرمەگەن. ءۇيدىڭ ءىشى­نە كىرگەن سۋ ءوز الدىنا.

ال ەندى, ج.قىزداربەكوۆ اتىن­داعى كوشەنىڭ № 7 ءۇيى تولىعىمەن سۋ استىندا قالدى. پاتەر يەلەرىن ارنايى تەحنيكامەن الىپ شىعۋعا تۋرا كەلدى. وسى ءۇيدىڭ 25 تۇرعىنى كوشىرىلىپ, ءا.ەرمەكوۆ اتىنداعى مەكتەپ-ينتەرناتىنا ورنالاستىرىلدى. جالپى, ەلدى مەكەن بويىنشا 19 كوشە, 38 ءۇي سۋ تاسقىنىنىڭ زاردابىن شەكتى. توتەنشە وقيعانى ەستىسىمەن اقا­دىر كەنتىنە قاراعاندى وبلى­سىنىڭ اكىمى ن.ابدىبەكوۆ ءوزى كەلىپ, ءمان-جاعدايمەن جەكە تانىسىپ, شۇعىل تۇردە جەدەل جيىن وتكىزىپ, توتەنشە جاعدايدى توقتاتۋ, قۇتقارۋ جۇمىستارىن جۇرگىزۋ جونىندە تاپسىرمالار بەردى. توسىننان بولعان اپاتقا اۋدان جانە كەنت اكىمدىكتەرى دە جەدەل شارالار قولداندى. ەڭ الدىمەن اۋدان بويىنشا سۋ تاسقىنىنا بايلانىستى توتەنشە جاعداي جاريالانىپ. جەدەل شتاب قۇرىلدى, ونى اۋدان اكىمى ر.ابدىكەروۆ ۇيىمداستىرۋشىلىق شەبەرلىگىمەن ۇتىمدى باسقارا ءبىلدى. كەنتتەگى كاسىپورىن, مەكەمەلەردىڭ قول كۇشى, ارنايى تەحنيكالارى ءبىر كىسىدەي جۇمىلدىرىلدى دەسەك, ارتىق ايت­قاندىق ەمەس. اسىرەسە, قاراعاندى قالاسىنان ارنايى شاقىرىلعان توتەنشە جاعدايلار كوميتەتىنە قاراستى №52589 اسكەري ءبولىمىنىڭ كومەگى وراسان بولدى. 125 اسكەري ادام قول كۇشىمەن, 6 مامانداندىرىلعان تەحنيكانى پايدالانىپ ءۇش كۇن بويى تىنىم تاپپاي توپان سۋمەن ارپالىستى, اسكەريلەر قاپشىقتارعا قۇم تولتىرىپ, كادىمگى مايدانداعىداي يەسىز سۋعا قارسى بوگەتتەر جاسادى.

وسى ارەكەت سۋدى ارىقتارعا بۇ­رۋعا, سۋ الاتىن ۇيلەردى مەيلىنشە ازايتۋعا ۇلكەن سەپتىگىن تيگىزدى. كەنت تۇرعىندارى ولاردىڭ كومەگىنە ءدان ريزا بولدى. وسى جاعدايدى پايدالانا وتىرىپ, قۇتقارۋ جۇمىستارىنا ۇلكەن قولعابىس بەرگەن, ۋاقىتپەن ساناسپاي ناعىز ەرلىك پەن ءوتانسۇي­گىشتىگىن كورسەتكەن اسكەري ءبولىم­شەسىنىڭ سولداتتارىنا, ولاردى باس­قارىپ كەلگەن پودپولكوۆنيك ارلەن بۇركىتبايۇلىنا جانە قاراعاندى وبلىستىق توتەنشە جاعدايلار ءجو­نىندەگى دەپارتامەنتىنىڭ باسقار­ما باسشىلارىنا زور العىسىمىزدى بىلدىرەمىز.

مانات ابەۋوۆ, نۇرزات تولەگەن, دانيار ىڭكاربەكوۆ, پاناركۇل ىڭكاربەكوۆا, ساندۋعاش ىڭكاربەكوۆا, مايرا ابىشەۆا. قاراعاندى وبلىسى, شەت اۋدانى, اقادىر كەنتى.

اقپارات كوزى: https://egemen.kz/2015/04/03/55576