قىزىلوردادا كوپىردەن دارياعا سەكىرگەن قىزدى پوليتسەيلەر قۇتقاردى

استانا. 2 ءساۋىر. قىزىلوردا قالاسىندا ءوزىن ءوزى ءولتىرۋ ماقساتىندا كوپىردەن سىرداريا وزەنىنە سەكىرگەن 24 جاستاعى قىزدى پوليتسەيلەر قۇتقارىپ قالدى. بۇل تۋرالى mail.ru حابارلادى. الگى ازاماتشا وزەنگە شامامەن 20 مەتر بيىكتىكتەن ءوزىن ءوزى تاستاعان.

وقيعا ورىن العان ماڭنان ءوتىپ بارا جاتقان كەزەكشى ەكيپاجدىڭ مۇشەلەرى – ۋچاسكەلىك پوليتسەي داۋرەن يباتاەۆ, جول-پاترۋل قىزمەتىنىڭ قىزمەتكەرلەرى ماقسات جەلدەرباەۆ پەن قۋانىش ءجۇسىپوۆ سۋعا باتىپ بارا جاتقان قىزدى دەر كەزىندە قۇتقارىپ قالعان. قازىر بويجەتكەن قالالىق اۋرۋحانانىڭ جانساقتاۋ بولىمىندە جاتىر. دارىگەرلەر ونىڭ ءومىرىن ساقتاپ قالۋ ءۇشىن كۇرەسۋدە.

تاعى ءبىر دەرەك, ءوزىن ءوزى ولتىرمەك بولعان قىز استانا قالاسىنىڭ تۇرعىنى ەكەن. ونىڭ نەگە ومىرمەن قوشتاسپاق بولعانى ازىرگە بەلگىسىز.

تالعات رايىمبەك.

دەرەك, سۋرەت; mail.ru.

اقپارات كوزى: https://egemen.kz/2015/04/02/55531