مەرەكە كۇنى اقسۋ قالاسىنىڭ 70 مىڭىنشى تۇرعىنى ومىرگە كەلدى

23-03-15-aksu-1-500x333پاۆلودار. 23 ناۋرىز. پاۆلودار وبلىسى اقسۋ قالاسىندا بۇگىن جالپىحالىقتىق مەرەكەلەۋ جالعاسىپ جاتىر. بۇل تۋرالى egemen.kz ءتىلشىسى حابارلادى. مەتاللۋرگتەر مەن ەنەرگەتيكتەر شاھارىندا وسى كۇنى تاعى ءبىر قۋانىشتى وقيعانىڭ تۇساۋى كەسىلدى. ول قالانىڭ 70 مىڭىنشى تۇرعىنىنىڭ مەرەكە كۇنى ومىرگە كەلگەنىمەن بايلانىستى بولدى. وسىعان وراي ەرتىستىڭ جاعاسىنداعى ايدىندى قالادا الاشاپقىن ءسۇيىنشى سۇراۋشىلىق باستالىپ كەتتى. سونىمەن, اقسۋدىڭ 70 مىڭىنشى تۇرعىنىنىڭ اتى-ءجونى كىم دەيسىزدەر عوي? ايتايىق. ولا – وسىنداعى مەتاللۋرگيا زاۋىتىندا جۇمىس ىستەيتىن جاس وتباسىنىڭ تۇڭعىشى – ۇل بالا. اتا-اناسى وعان باتىر دەگەن ەسىم بەرىپتى. كىشكەنتاي باتىردىڭ سالماعى 3 كيلو, 300 گرامم ەكەن. باقىتتى انانى قۇتتىقتاعان قالا اكىمى قايرات نۇكەنوۆ نارەستەنىڭ كورىمدىگىنە دەپ 500 مىڭ تەڭگەنىڭ سەرتيفيكاتىن تابىس ەتتى. تاعى ءبىر اتاپ وتەرلىگى, اقسۋ قالاسىندا سوڭعى ءۇش ايدا 250 ءسابي دۇنيەگە كەلگەن. ولاردىڭ التاۋى – ەگىز بالا. وتكەن جىلدىڭ كورسەتكىشىنە كەلسەك, ءبىر جىلدا 8 انا ەگىزدەردى دۇنيەگە اكەلدى. سونداي-اق كوپ بالالى انالار سانى ارتقان. جۋىردا عانا 38 جاستاعى انا 10-ءسابيىن امان-ەسەن بوساندى. فاريدا بىقاي. مانبە, سۋرەت: egemen.kz.

اقپارات كوزى: https://egemen.kz/2015/03/23/54308