قىزىلوردادا «بالالار اۋىلى» سالىنىپ جاتىر (فوتو)

16-03-15-kyzylorda-0-500x33316.03.2015
16 ناۋرىز. قىزىلوردا قالاسىندا «بالالار اۋىلىن» سالۋعا قولعا الىندى. بۇل تۋرالى وبلىس اكىمدىگىنىڭ باسپا ءسوز قىزمەتىنە سىلتەمە جاساعان egemen.kz حابارلادى. «وبلىس اكىمى قىرىمبەك كوشەربايەۆ جۇما كۇنى وبلىس ورتالىعىنداعى ءبىرقاتار نىسانداردى ارالادى» ، — دەلىنگەن حابارلامادا. ول سولاردىڭ قاتارىندا وسىندا بوي كوتەرىپ جاتقان بالالار اۋىلىنىڭ قۇرىلىىمەن دە تانىسقان.
ءباسپاسوز قىزمەتىنىڭ دەرەگى بويىنشا، جاڭا مەكەن جەتىم جانە اتا- اناسىنىڭ قامقورلىعىنسىز قالعان جەتكىنشەكتەرگە قورعان بولماق. وندا 8 ەكى قاباتتى جانە 1 اكىمشىلىك عيماراتتىڭ قۇرىلىسى جۇرگىزىلۋدە. مەردىگەر مەكەمە قۇرىلىستى 1 مامىرعا دەيىن تولىق اياقتاپ، تاپسىرامىز دەپ جوسپارلاپ وتىر. نىسان ىسكە قوسىلعان كەزدە قالاداعى بالالار ءۇيىنىڭ 60-قا جۋىق تاربيەلەنۋشىسى سوندا كوشىرىلەدى. قىزىلورداداعى بالالار اۋىلى 2 گەكتار اۋماقتى الادى. كوتتەدجدەر قالاشىعى ىسپەتتەس بۇل عيماراتتاردا 3 پەن 18 جاس ارالىعىنداعى جەتىم جانە اتا- اناسىنىڭ قامقورلىعىنسىز قالعان جاسوسپىرىمدەر تاربيەلەنەدى. جوبانىڭ جالپى قۇنى 524 ملن. تەڭگە تۇرادى. وبلىس اكىمى قۇرىلىس جۇمىستارىمەن تانىسقاننان كەيىن مەردىگەر مەكەمەگە عيماراتتى ساپالى جانە ۋاقىتىلى سالۋدى تاپسىردى.
مۇرات ايتقوجا.
اقپارات كوزى: https://egemen.kz/2015/03/16/53091