قىتايدا ۇيىنەن تونناعا جۋىق اقشا تابىلعان گەنەرال قايتىس بولدى

16-03-15-general01-500x35916.03.2015
16 ناۋرىز. قىتاي حالىق رەسپۋبليكاسى ورتالىق اسكەري كەڭەسى ءتوراعاسىنىڭ بۇرىنعى ورىنباسارى سيۋي تسايحوۋ بەيجىڭدەگى گوسپيتالداردىڭ بىرىندە راك اۋرۋىنان قايتىس بولدى. بۇل تۋرالى تاسس حابارلادى. حابارلامادا كورسەتىلگەندەي، 2014 -جىلدىڭ 15 ناۋرىزىنان بەرى 71 جاستاعى سيۋي تسايحوۋعا سىبايلاس جەمقورلىققا قاتىستىلىعى تۋرالى پارتيا تاراپىنان تەكسەرۋ جۇرگىزىلگەن. سول جىلدىڭ ماۋسىم ايىندا ول قىتاي كوممۋنيستىك پارتياسىنىڭ قاتارىنان شىعارىلىپ، ءىسى اسكەري پروكۋراتۋراعا تاپسىرىلعان- دى. تەرگەۋ بارىسىندا ەكس- گەنەرال پارا الىپ كەلگەنىن مويىنداعان. ال 27 قازاندا اسكەري پروكۋراتۋرا ءىستى سوتقا تاپسىردى. تەرگەۋ امالدارىنىڭ قورىتىندىسىنا سايكەس، ول وزگە ادامداردى «جوعارىلاتۋ» ماقساتىندا ءىرى كولەمدە پارا الىپ تۇرعان. قىتاي قۇقىق قورعاۋ ورىندارىنىڭ تاراپىنان جۇرگىزىلگەن تەكسەرۋ بارىسىندا سيۋي ءتسايحوۋدىڭ ۇيىنەن تونناعا جۋىق دوللار، ەۋرو، يۋان شىققان. سونىمەن قاتار، ونىڭ ۇيىندەگى 2 مىڭ شارشى مەتر جەرتولەدەن كوپتەگەن اسىل تاستار تابىلعان. وسىنشاما دۇنيە- مۇلىك ونشاقتى اسكەري جۇك كولىگىنە زورعا سيعان كورىنەدى.
جولدىباي بازار. دەرەك: تاسس. سۋرەت: araratnews.am.
اقپارات كوزى: https://egemen.kz/2015/03/16/53097