شىعىس قازاقستان وبلىسىندا سۋارمالى جەرلەردى كوبەيتۋ شارالارى قاراستىرىلۋدا

16.08.2014su1-500x302
suوسكەمەن. 16 تامىز. شىعىس قازاقستان وبلىسىندا اگروونەركاسىپ كەشەنىن دامىتۋ جانە ازىق- تۇلىك قاۋىپسىزدىگىن قامتاماسىز ەتۋ ماقساتىندا وبلىس اكىمدىگى مەن اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ بىرلەسكەن جۇمىس توبى قۇرىلعان بولاتىن. وسى بىرلەسكەن جۇمىس توبىنىڭ قىزمەتى ارقىلى وڭىردەگى ەگىستىك تاناپتارى ايتارلىقتاي ۇلعايتىلادى. بۇل تۋرالى egemen.kz ءتىلشىسى حابارلادى.

ءۇرجار اۋدانىندا شىعىس قازاقستان وبلىسى اكىمدىگى مەن اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى بىرلەسكەن سەمينار وتكىزدى. ءوڭىر باسشىسى ب. ساپاربايەۆتىڭ توراعالىعىمەن وتكەن «وبلىستاعى سۋارمالى جەرلەردىڭ جاعدايى جانە ونى ودان ءارى دامىتۋ تۋرالى» سەمينارعا سۋ رەسۋرستارى كوميتەتىنىڭ ءتوراعاسى ي. ابىشيەۆ جانە دە باسقا دا ءتيىستى ورىنداردىڭ باسشىلارى قاتىستى. سەميناردىڭ نەگىزگى بولىگى ۇزاق جىلدار پايدالانىلماي، تىڭايىپ قالعان جەرلەردە قايتادان قۇرىلعان سۋارمالى القاپتارعا ارنالدى. وبلىستىق اۋىل شارۋاشىلىعى باسقارماسىنىڭ باسشىسى دۇيسەمباي سەليحانوۆتىڭ ايتۋىنشا، سوڭعى جىلدارى وڭىردە سۋارمالى جەرلەردىڭ اۋماعىن كەڭەيتۋ، سۋ نىساندارى مەن گيدروتەحنيكالىق قۇرىلىمداردى قالپىنا كەلتىرۋ جانە جوندەۋ جۇمىستارى جوسپارلى تۇردە جۇرگىزىلە باستادى. كەيىنگى ءۇش جىلدىڭ ىشىندە رەسپۋبليكالىق بيۋدجەتتەن وسى ماقساتقا 3,4 ملرد. تەڭگە ءبولىندى. ناتيجەسىندە، سۋارمالى القاپتىڭ اۋماعى 22,1 مىڭ گەكتارعا ارتىپ وتىر. بۇل كورسەتكىشتى 90 مىڭ گەكتارعا دەيىن جەتكىزۋ كوزدەلگەن.

سۋارمالى جەرلەرگە جاڭبىرلاتىپ جانە تامشىلاتىپ سۋارۋعا ارنالعان زاماناۋي تەحنولوگيالار اكەلىندى. ياعني، جاڭا تەحنولوگيا ەنگىزىلگەن القاپتار 8,9 مىڭ گەكتار مەن 970 گەكتاردى قۇرادى.

جىل سايىن گيدرومەليوراتسيانى دامىتۋعا باعىتتالعان مەملەكەتتىك قولداۋ كەڭەيىپ كەلەدى. 2012 -جىلى وعان 39,5 ملن. تەڭگە بولىنسە، بيىل 323,3 ملن. تەڭگە ءبولىندى. قابىلدانعان شارالار ءوڭىردىڭ ەگىستىك ءتۇسىمىن ارتتىرىپ، ازىق- تۇلىك قاۋىپسىزدىگىن قامتاماسىز ەتەدى، سونىمەن بىرگە كورشى ەلدەرگە ەكسپورتقا شىعارۋعا مۇمكىندىك بەرەدى. وبلىستاعى تارباعاتاي، زايسان سىندى اۋدانداردا جوڭىشقا ءوسىرۋ ەسەبىنەن جەم- ءشوپ بازاسى ايتارلىقتاي نىعايدى. شەمونايحا، گلۋبوكوە، ۇلان، بورودۋليحا سياقتى ءسۇت وندىرۋگە بەيىمدەلگەن اۋداندارداعى جەم- ءشوپ بازاسى دا جاقسارىپ كەلەدى. «اگروبيزنەس – 2020» باعدارلاماسىنا سايكەس، بيىل سۋارۋ جۇيەسىنىڭ نىساندارىنا تارتىلعان ينۆەستيتسيانىڭ 30 پايىزى كولەمىندە ينۆەستيتسيالىق سۋبسيديا ءبولىندى. اعىمداعى جىلى بۇل قارجى 49 ملن. تەڭگە جانە 204,4 ملن. تەڭگەنى قۇرادى.

ي. ابىشيەۆتىڭ ايتۋىنشا، وبلىستا سۋارمالى القاپتى ارتتىرۋعا مۇمكىندىك جەتەرلىك. كوميتەت ءتوراعاسى سۋ رەسۋرستارى باسقارماسى بويىنشا ازىرلەنگەن مەملەكەتتىك باعدارلاماعا سايكەس سۋارمالى جەرلەردى دامىتۋدىڭ مۇمكىندىكتەرىن سارالادى. ەرتەرەكتە سۋارمالى جەر رەتىندە پايدالانىلعان 205 مىڭ گەكتاردىڭ بۇگىندە تەك 90 مىڭ گەكتارى عانا پايدالانىلۋدا. ياعني، 44 پايىزعا تەڭ. قولدا بار مۇمكىندىكتەر ارقىلى الداعى ءۇش- ءتورت جىلدا سۋارمالى جەرلەردى قوسىمشا 115 مىڭ گەكتارعا ارتتىرۋعا بولادى.

جيىندى قورتىندىلاعان بەردىبەك ساپاربايەۆ اتقارۋشى ورگاندارعا سۋارمالى القاپتى ارتتىرۋ باعىتىندا ناقتى تاپسىرمالار بەردى.

دۋمان اناش.

دەرەككوز: ەgemen.kz.

فوتو: altaynews.kz.