ورال ارحەولوگتارى جەرلەنگەن «التىن ايەلدى» تاپتى (فوتو)

16.08.201416-08-14-zolotaya_jenshina-1-500x375

استانا. 16 تامىز. ورال ارحەولوگتارى باتىس قازاقستان وبلىسى تەرەكتى اۋدانى جەرىنەن 2012 -جىلى جەرلەنگەن «التىن ايەلدىڭ» قاڭقاسىن تاپقان بولاتىن. بۇل تۋرالى باتىس قازاقستان وبلىسى تاريح جانە ارحەولوگيا ورتالىعىنىڭ ديرەكتورى مۇرات سىدىقوۆتىڭ سوزىنە سىلتەمە جاساعان «موي گورود» پورتالى حابارلادى.

جەرلەۋ جۇرگىزىلگەن كەشەندى ارحەولوگتار «تاقساي-1» دەپ اتاپ وتىر. قورعاننىڭ اتاۋى وسى ماڭداعى تاقساي ستانساسىنان شىعىپ وتىر.

زەرتتەۋشىلەر بۇل كونە قورىمدى سارمات كەزەڭىنە جاتقىزادى. قورعاننان بيىكتىگى ءبىر مەتردەن اسىپ كەتەتىن 80 التىن اشەكەي تابىلعان. مۇنداعى ەرەكشە بۇيىمعا بۇرىن وزىنە ۇقساسى كەزىكپەگەن التىن تاراق جاتادى. تاراقتىڭ بەتىندە سول زامانداعى ساقتار مەن پارسىلار اراسىنداعى شايقاستىڭ كورىنىسى بەينەلەنگەن.

«التىن ايەلدى» جەرلەۋ ءداستۇرى زورواستريزم داۋىرىنە جاتسا كەرەك. وكىنىشكە وراي، ازىرگە سۇيەكتەرى ناشار ساقتالعاندىقتان، ايەلدىڭ جاس شاماسىن انىقتاۋدىڭ مۇمكىندىگى تۋعان جوق. بۇدان بولەك، ونىمەن بىرگە ەكى كۇزەتشى ايەل جەرلەنىپتى. لابوراتويالىق زەرتتەۋلەردىڭ ناتيجەسىندە قورىمنىڭ ءبىزدىڭ داۋىرىمىزگە دەيىنگى 4-5 عاسىرلارعا جاتاتىنى انىقتالدى» ، — دەدى مۇرات سىدىقوۆ.

قورىمنان اتتىڭ اۋىزدىعى، تۇرمىستىق زاتتار، سونداي- اق اشەكە» لەر تابىلعان. شاماسى، بۇلاردىڭ ءبارى جەرلەنگەن ايەلگە انا دۇنيەدە كەرەك بولادى دەگەن ۇعىممەن قويىلعان.

«التىن ايەلدىڭ» كيىم- كەشەگىن بەلگىلى رەستاۆراتور قىرىم التىنبەكوۆ قالپىنا كەلتىرگەن.

«قورىمنىڭ بايلىعى جەرلەنگەن ايەلدىڭ سول كەزدەگى قوعامدا العان ورنىن دا انىق بايقاتادى. بۇل سول كەزدەردىڭ وزىندە ادامداردىڭ باي جانە كەدەي بولىپ بولىنگەندەرىن كورسەتەدى. تاقسايدىڭ جانىندا تاعى ەكى قورعان بار. ولاردى قازۋدى ءبىز كەلەر جىلى جۇرگىزەمىز. ءبىر جاقسىسى، بۇل قورعاندارعا بۇعان دەيىن ەشكىم تيىسپەگەن ەكەن، ەشكىمنىڭ توناۋىنا ۇشىراماعان» ، — دەدى مۇرات سىدىقوۆ.

ارحەولوگتار «التىن ايەلدى» زەرتتەۋدە گەرمانيا، رەسەي جانە جاپونيا عالىمدارىمەن بىرلەسىپ جۇمىس جاساپتى.

ازىرگە «التىن ايەلدىڭ» ءوزى ەشكىمگە كورسەتىلگەن جوق. ونىڭ تۇساۋكەسەرى الداعى قىركۇيەك ايىندا وتەدى.

قازىرگى تاڭدا باتىس قازاقستان وبلىسىندا 1966 ارحەولوگيالىق نىسان بار. مۇنداعى ءبىر نىساننىڭ وزىندە ەلۋگە دەيىن قورعان بار.

مۇرات ايتقوجا.

دەرەككوز: «موي گورود» .

فوتو: «موي گورود» .

16-08-14-zolotaja_zhenshina1-500x375

16-08-14-zolotaja_zhenshina4-375x500

16-08-14-zolotaja_zhenshina3-375x500

16-08-14-zolotaja_zhenshina5-500x375

16-08-14-zolotaja_zhenshina6-375x500