شاكەن ايمانوۆتىڭ 100 -جىلدىعى يۋنەسكو كولەمىندە اتاپ وتىلەدى

 

5.08.20140aimanov03-500x278
aimanov03استانا. 5 تامىز. يۋنەسكو ۇيىمى شاكەن ايمانوۆتىڭ 100 -جىلدىعىن رەسمي شارالار كۇنتىزبەسىنە قوستى. بۇل تۋرالى «24kz» حابارلادى.

جالپى، سوڭعى 19 -جىل ىشىندە يۋنەسكو- نىڭ رەسمي شارالار كۇنتىزبەسىنە اباي قۇنانبايەۆ، مۇحتار اۋەزوۆ، ءسابيت مۇقانوۆ، عابيت مۇسىرەپوۆ، ماحامبەت وتەمىسوۆ سىندى اقىن- جازۋشى، قوعام قايراتكەرلەرىمەن قاتار، مۇحاممەد حايدار دۋلاتي، قانىش ساتپايەۆ، الكەي مارعۇلان، اقجان جاقسىبەك ۇلى ءال- ماشاني سىندى دارىندى عالىم- زەرتتەۋشىلەردىڭ، كومپوزيتور احمەت جۇبانوۆ پەن سۋرەتشى ءابىلحان قاستەيەۆتىڭ مەرەيتويلارى ەنگەن. بۇدان بولەك، يۋنەسكو- نىڭ اتاۋلى كۇندەر قاتارىنا تۇركىستاننىڭ قۇرىلۋىنىڭ 1500 -جىلدىعى، تاراز قالاسىنىڭ 1500 -جىلدىعى، سونىمەن بىرگە، «قىز جىبەك» ەپوسىنىڭ 500 -جىلدىعى دا كىرگەن. ال كەلەسى جىلى يۋنەسكو- نىڭ تاريحي كۇنتىزبەسىنە بەلگىلى جازۋشى ءىلياس ەسەنبەرليننىڭ 100 -جىلدىعىن قوسۋ جوسپارلانىپ وتىر.

جولدىباي بازار.

دەرەككوز: «24kz» .

فوتو: «24kz» .