شي ءجينپيىڭ نازاربايەۆتى ناۋرىز مەرەكەسىمەن قۇتتىقتادى


قىتاي حالىق رەسپۋبليكاسىنىڭ ءتوراعاسى شي ءجينپيىڭ قازاقستان پرەزيدەنتى نۇرسۇلتان نازاربايەۆتى ناۋرىز مەيرامىمەن قۇتتىقتادى، دەپ حابارلايدى قازاقپارات.
«بۇگىن ءبىز جاقسى ءبىر حابار الدىق. قىتاي حالىق رەسپۋبليكاسىنىڭ ءتوراعاسى سي تسزينپين ناۋرىز مەيرامىنا بايلانىستى قازاقستان پرەزيدەنتى نۇرسۇلتان ءابىش ۇلى نازاربايەۆقا ارنايى قۇتتىقتاۋ حاتىن جولداپ، بارشا قازاقستاندىقتاردى وسى مەرەكەمەن قۇتتىقتادى. قازىرگى كەزدە قىتايدا ۇلكەن ەكى جينالىس بويىنشا اۋقىمدى شارالار ءوتىپ جاتىر. سوعان قاراماستان، سي تسزينپين مىرزا ۋاقىت تاۋىپ، نۇرسۇلتان ءابىش ۇلىنا ارنايى جەدەلحاتىن جولدادى. وسىنىڭ ءوزى ەكى باسشى اراسىنداعى مىقتى دوستىقتىڭ كورىنىسى بولسا كەرەك» ، – دەدى ق ح ر- دىڭ قازاقستانداعى توتەنشە جانە وكىلەتتى ەلشىسى چجان حانحۋەي بۇگىن ناۋرىز مەيرامىنا ارنالعان سالتاناتتى شارادا.

ەلشىنىڭ ايتۋىنشا، بۇگىندە ەكى ەل اراسىنداعى ساۋدا- ەكونوميكالىق بايلانىستار ويداعىداي دامىپ كەلەدى. كورشى مەملەكەت قازاقستان ەكونوميكاسىنا قىرۋار قارجى سالىپ وتىر. ء«بىر جول – ءبىر بەلدەۋ» باستاماسى اياسىندا ءوزارا ىنتىماقتاستىق تا كۇشەيىپ كەلەدى.

«كوممۋنيستىك پارتيانىڭ جينالىسىندا قىتايدىڭ ەكونوميكالىق ءوسىمى 6,5 پروتسەنت بولادى دەگەن ماقسات قويىلدى. حالىقتىڭ تىعىز ورنالاسقانىنا قاراماستان، بىزدە جان باسىنا شاققاندا ىشكى جالپى ءونىم 800 9 دوللاردى قۇراپ وتىر. قىتاي ءۇشىن بۇل – ۇلكەن جەتىستىك. 2021 -جىلعا دەيىن ءبىز كەدەيشىلىك ماسەلەسىن تولىعىمەن شەشۋدى كوزدەيمىز. ءۇش جىلدان كەيىن 400 ميلليوننان استام ادام كەدەيشىلىكتىڭ قامىتىنان قۇتىلادى دەگەن جوسپار بار. وسىلايشا، 2021 -جىلعا دەيىن قىتاي تولىعىمەن ورتا توپتىڭ دەڭگەيىنە شىعۋى ءتيىس. وعان دەيىن كەدەي وتباسىلار قالماۋى قاجەت» ، – دەپ اتاپ كورسەتتى چ. حانحۋەي.