ەكسپو اۋماعى ناۋرىز مەيرامى تويلاناتىن باستى ورىن بولماق


«استانا ەكسپو-2017» ۇك» اق استانا قالاسى اكىمدىگىمەن بىرلەسە وتىرىپ، 21 -ناۋرىز كۇنى ساعات 13.00-دە جانە 22 -ناۋرىز ساعات 10.00-دە باستالاتىن اۋقىمدى مادەني ويىن- ساۋىق باعدارلاماسىن ازىرلەدى.
ەكسپو كورمە كەشەنىنىڭ اۋماعىندا ەتنواۋىل ۇيىمداستىرىلىپ، وندا كەلگەن قوناقتار ۇلتتىق ويىندار سايىسىنا قاتىسىپ، ءداستۇرلى تاعامداردان ءدام تاتىپ، قازاق مادەنيەتى مۇراجايىن، تازى مەن توبەتتەر كورمەسىن تاماشالاي الادى.

ودان بولەك، ەكسپو تۋريستىك ايماعى نىساندارى سىزدەر ءۇشىن قاراڭعى تۇسكەنشە جۇمىس ىستەيتىن بولادى. «نۇر الەم» – «بولاشاق ەنەرگياسى» مۇراجايى مەن ۇزدىك تاجىريبەلەر ايماعى ساعات 21.00-گە، ەكسپو مۇز ايدىنى 23.00-گە دەيىن جۇمىس ىستەمەك.

كورمە اياقتالعاننان كەيىن تۋريستىك ايماقتاعى ەكسپو-2017 مۇراسىنىڭ ەڭ ماڭىزدى نىسانى، ءسوزسىز، «نۇر الەم» پاۆيلون- مۇراجايى بولىپ تابىلادى. ول 2017 -جىلعى قاراشادا ەرەكشە قورعالاتىن مەملەكەتتىك ساۋلەت نىسانى بولىپ تانىلدى.

سونداي- اق، «نۇر الەم» شەتەلدىك باق- تا ەلوردامىزدىڭ جاڭا سيمۆولى استانانىڭ ەڭ ءجيى ەسكەرىلەتىن تۋريستىك نىسانى قاتارىندا. ساراپشىلاردىڭ سوزىنە سۇيەنسەك، «بولاشاق ەنەرگياسى» مۇراجايى ءپاريجدىڭ ەيفەل مۇناراسى جانە لوندوننىڭ حرۋستالدى سارايى سياقتى قازاقستاننىڭ بەلگىلى كورىكتى نىسانىنا اينالۋ مۇمكىندىگى زور.

ۇزدىك تاجىريبەلەر ايماعى – ەكسپو-2017 سيمۆوليكالىق ورتالىعى. وندا ەڭ ۇزدىك تەحنولوگيالار، جوبالار مەن ءارتۇرلى ەنەرگەتيكا سالاسىنداعى ستراتەگيالار ۇسىنىلعان. وندا ونەركاسىپتە، ەلەكترقۋاتىن ساقتاۋ مەن قولدانۋ، كليماتتىڭ وزگەرۋىمەن كۇرەس نەمەسە دامۋشى ەلدەردە ەلەكترەنەرگياسىمەن قامتاماسىز ەتۋ جولدارى قاراستىرىلعان.

كورمە كەشەنىنىڭ ماڭىندا كونگرەسس- ورتالىعى ورنالاسقان. كونگرەسس- ورتالىعى اۋقىمدى مادەني ويىن- ساۋىق شارالار، تاقىرىپتىق فورۋمدار مەن كونتسەرتتەر وتكىزۋگە بارلىق مۇمكىندىكتەر قاراستىرىلعان.

ەنەرگيا حولى – كامەرالىق كونتسەرتتەر، ونەر توپتارىنىڭ قويىلىمدارى ء ۇشىن جوعارىتەحنولوگيالىق دىبىستىق قۇرىلعىلارىمەن جابدىقتالعان، كوپفۋنكتسيالى ساحنا الاڭى.

بۇدان بولەك، ەكسپو-2017 اۋماعىندا كەلۋشىلەردىڭ جايلىلىعى ءۇشىن 1000 اۆتوورىندىق جەراستى تۇراعى قاراستىرىلعان. تۇراق تاۋلىك بويى جۇمىس ىستەيدى.