مەملەكەتتىك قىزمەتشىگە ارنالعان نۇسقاۋلىق


سەمەي قالاسى اكىمدىگىنىڭ ماماندارىنا مەملەكەتتىك قىزمەتتەگىلەرگە قويىلاتىن تالاپتار مەن شارتتاردى ايقىندايتىن، حالىقپەن جۇمىس جاساۋدا ادەپ پەن مىنەز-قۇلىق دەڭگەيىن بەلگىلەگەن ارنايى نۇسقاۋلىقتىڭ رەسمي تانىستىرىلىمى ءوتتى. ونى پرەزيدەنت جانىنداعى مەملەكەتتىك باسقارۋ اكادەمياسى ازىرلەگەن.
مەملەكەتتىك قىزمەتشىلەر ءۇشىن تاپتىرماس قۇرال بولىپ سانالاتىن نۇسقاۋلىقتى سالتاناتتى تۇردە تابىستاۋ ءىس- شاراسىنا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ شىعىس قازاقستان وبلىسى بويىنشا دەپارتامەنتىنىڭ باس مامانى عالىمجان يسيمبەكوۆ، مەملەكەتتىك قىزمەتشىنىڭ ادەبى جونىندەگى ۋاكىلەتتى تۇلعا ەرلان اۋباكىروۆ جانە «نۇر وتان» پارتياسىنىڭ سەمەي قالالىق فيليالى قوعامدىق قابىلداۋ ءبولىمىنىڭ مەڭگەرۋشىسى دارحان ءجۇمادىلوۆ.

– بۇگىندە پرەزيدەنت نۇرسۇلتان نازاربايەۆتىڭ تىكەلەي تاپسىرماسىمەن سىبايلاس جەمقورلىققا قارسى كۇرەس باعدارلاماسى سەمەيدە كەشەندى تۇردە قولعا الىنىپ وتىر، – دەدى قالا اكىمدىگى ىشكى ساياسات ءبولىمىنىڭ باسشىسى ايدار سادىربايەۆ، – نۇسقاۋلىق دەر كەزىندە ازىرلەنگەن قۇجات. مۇندا جۇمىس بارىسىنداعى ءسوز ادەبىنەن باستاپ، ءتىپتى الەۋمەتتىك جەلىلەردە ءوزىن- ءوزى ۇستاۋعا دەيىنگى ماڭىزدى دۇنيەلەردىڭ بارلىعى قامتىلىپتى. پاراساتتىلىق مادەنيەتى نە دەگەن ساۋالعا دا جاۋاپتى وسىدان تابۋعا بولادى. مەملەكەتتىك قىزمەتتە بولاتىن ءتۇرلى جاعدايلاردا دۇرىس شەشىم قابىلداپ، ادال دا ابىرويلى قىزمەت اتقارۋ ءۇشىن وسىنداي ناقتى نۇسقاۋلىقتاردىڭ بولۋى ءبىز ءۇشىن اسا قاجەت.

راۋشان نۇعمانبەك،
جۋرناليست

سەمەي