2019 -جىلى قوسىمشا 20 مىڭ مەملەكەتتىك ءبىلىم گرانتى بولىنەدى


استانادا پارلامەنت پالاتالارىنىڭ بىرلەسكەن وتىرىسىنا قاتىسقان ەلباسى نۇرسۇلتان نازاربايەۆ 2019 -جىلى قوسىمشا 20 مىڭ مەملەكەتتىك گرانت بولىنەتىندىگىن مالىمدەدى.
«بۇگىندە ەلىمىزدەگى جوعارعى وقۋ ورىندارىندا 530 مىڭنان استام ستۋدەنت وقيدى. ولاردىڭ 30 پايىزعا جۋىعى مەملەكەتتىك گرانت نەگىزىندە ءبىلىم الىپ جاتىر. ساپالى جوعارى ءبىلىم الۋ مۇمكىنشىلىكتەرىن ارتتىرۋ ءۇشىن مىناداي شارالاردى قابىلداۋدى ۇسىنامىن. 2018-2019 وقۋ جىلىندا جىل سايىن بولىنەتىن 54 مىڭ گرانتقا تاعى 20 مىڭ مەملەكەتتىك ءبىلىم گرانتى بولىنبەك. ونىڭ ىشىندە تەحنيكالىق ماماندىقتار باكالاۆرى ءۇشىن 11 مىڭ، قاجەت بولسا ودان دا كوپ ءبىلىم گرانتى تاعايىندالادى. بۇل ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى ءۇشىن مىڭداعان مامانداردى دايىنداۋعا كومەكتەسەدى. اسىرەسە ينجەنەر، اقپاراتتىق جۇيە، روبوتوتەحنيكا، نانوتەحنولوگيا ماماندارى. بۇل دا ءبىزدىڭ جاستارىمىزعا كورسەتىپ وتىرعان مەملەكەتتىڭ قامقورلىعى» ، دەدى پرەزيدەنت نۇرسۇلتان نازاربايەۆ.

ايتا كەتۋ كەرەك، بىرلەسكەن وتىرىسقا جوعارعى سوت، ۇكىمەت مۇشەلەرى تولىق قۇرامدا، پرەزيدەنتكە تىكەلەي ەسەپ بەرەتىن جانە باعىناتىن ورگان باسشىلارى، ۇلتتىق كومپانيالار مەن مەملەكەتتىك ۇيىمدار باسشىلارى قاتىسىپ وتىر.   ەسكە سالا كەتەيىك، 2 ناۋرىزدا پارلامەنت ءماجىلىسىنىڭ ءتوراعاسى نۇرلان نىعماتۋلين پارلامەنت پالاتالارىنىڭ بىرلەسكەن وتىرىسىن شاقىرۋ تۋرالى وكىمگە قول قويعان بولاتىن.

ايا ءومىرتاي،

«ەگەمەن قازاقستان»