مەملەكەت باسشىسى «7-20-25» يپوتەكالىق باعدارلاماسىن ۇسىندى


مەملەكەت باسشىسى نۇرسۇلتان نازاربايەۆ پارلامەنت پالاتالارىنىڭ بىرلەسكەن وتىرىسىندا ەلىمىزدەگى ءاربىر وتباسىنىڭ باسپانالى بولۋ ماسەلەسىن قوزعادى. سونىمەن قاتار، «7-20-25» باعدارلاماسىن ۇسىندى.
ەلباسى ءوز سوزىندە سوڭعى جىلدارى ءار وتباسىنىڭ باسپانالى بولۋى ءۇشىن ۇلكەن ىستەر اتقارىلعانىن ايتتى.

«وتكەن جىلى 11,2 ملن شارشى مەتر ءۇي قولدانىسقا بەرىلدى. بۇل بۇرىن- سوڭدى بولماعان رەكورد بولىپ ەسەپتەلەدى. دەگەنمەن بۇل دا جەتكىلىكسىز. ەلىمىزدە جەكە باسپاناسى جوق وتباسىلار ءالى دە بار»، دەدى ەلباسى.

مەملەكەت باسشىسى ءسوز اراسىندا بۇل ماسەلەنى شەشۋ ءۇشىن تۇرعىن ءۇي يپوتەكاسىن قولجەتىمدىلىگىن ارتتىرۋدى، ارزان رەسۋرستاردى قامتاماسىز ەتۋدىڭ مەحانيزمى كەرەكتىگىن، وسىنىڭ ارقاسىندا ءاربىر جۇمىس ىستەۋشى نەسيەگە پاتەر ساتىپ الا الاتىنىن جانە وتباسىلىق بيۋدجەت مۇمكىندىگىن ەسەپكە الا وتىرىپ، زايمعا قىزمەت ەتەتىنىن مالىمدەدى.

پرەزيدەنت ۇسىنىلعان «7-20-25» باعدارلاماسىنىڭ نەگىزگى پارامەترلەرىن جاريالادى. ياعني، ءاربىر جۇمىس ىستەيتىن قازاقستاندىقتىڭ مىناداي شارتتاردا تەڭگە بويىنشا يپوتەكالىق نەسيە الۋعا مۇمكىندىگى بولادى. نەسيە بويىنشا سىياقى كولەمى جىلىنا 7 پايىزدان اسپايدى، ياعني قازىرگىدەي 14-16 پايىزدان الدەقايدا تومەن.  باستاپقى جارنا 20 پايىزدان اسپايدى. نەسيە مەرزىمى – 25 جىل.