عىلىمي- ادەبي ينتەگراتسيا ارتىپ كەلەدى


قازاقستان ۇلتتىق عىلىم اكادەمياسىنىڭ ءماجىلىس زالىندا م. و. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، ۇعا اكادەميگى، فيلولوگيا عىلىمدارىنىڭ دوكتورى، قازاقستاننىڭ ەڭبەك سىڭىرگەن قايراتكەرى ءۋاليحان قاليجان 2017 -جىلى ينستيتۋت اتقارعان جۇمىس تۇرلەرى مەن ناتيجەلەرى جانە ينستيتۋتتىڭ وسى جىلعى جوسپارى جايىندا جۇرتشىلىق الدىندا جاريا ەسەپ بەرۋ جيىنىن وتكىزدى.
كوپشىلىك الدىنداعى ءداستۇرلى ەسەپ بەرۋ جيىنىندا وتكەن جىلى ينستيتۋتتا جۇزەگە اسىرىلعان عىلىمي- ۇيىمداستىرۋ، زەرتتەۋ، شارۋاشىلىق جۇمىستاردىڭ نەگىزگى باعىتتارى، ۇيىمداستىرعان ءىس- شارالارى، عىلىمي الەۋەتى، كادرلىق قۇرامى جايىندا كەڭىرەك باياندالدى. ءۋاليحان قاليجاننىڭ ايتۋىنشا، ينستيتۋتتىڭ حالىقارالىق بايلانىسى نىعايعان. قالامگەرلەر مەن عالىمداردىڭ جەكەلەگەن ونىمدەرى ورىس ءتىلىن ايتپاعاندا، اعىلشىن، تۇرىك، نەمىس، باسقا دا شەت تىلدەرىنە اۋدارىلىپ، شەتەلدىك باسپالاردان جارىق كورىپ جاتىر. بۇل باسقوسۋدا  ينستيتۋت قىزمەتكەرلەرىنىڭ 2017 -جىلى جارىق كورگەن جەكە جانە ۇجىمدىق ەڭبەكتەرى كوپشىلىككە تانىستىرىلىپ، تۇساۋكەسەر ءراسىمى وتكىزىلدى. سونىمەن قاتار م. و. اۋەزوۆ اتىنداعى ادەبيەت جانە ونەر ينستيتۋتىنىڭ 2015-2017 -جىلدارى گرانتتىق قارجىلاندىرۋ اياسىندا جۇزەگە اسىرعان 26 جوبا بويىنشا قول جەتكىزگەن تابىستارى، ناتيجەلەرى، عىلىمي ءىسساپارلار، ءبىلىم جانە عىلىم ينتەگراتسياسى، جالپى، ينستيتۋتتىڭ ەكونوميكالىق- قارجىلىق اقپاراتى بەرىلدى.

ينستيتۋت قۇرىلىمىنداعى «فولكلور تانۋ» ، «ەجەلگى ءداۋىر جانە ورتاعاسىرلار ادەبيەتى» ، «اباي تانۋ جانە جاڭا ءداۋىر ادەبيەتى» ، «تاۋەلسىزدىك داۋىرىندەگى ادەبيەت جانە پۋبليتسيستيكا» ، «سىرتقى ادەبي بايلانىستار جانە تالداۋ» ، «اۋەزوۆ تانۋ» ، «مۋزىكا تانۋ» ، «تەاتر جانە كينو» ، «بەينەلەۋ ونەرى» ، «قولجازبا جانە ءماتىنتانۋ» عىلىمي- يننوۆاتسيالىق بولىمدەرىنىڭ وتكەن جىلعى عىلىمي جانە قوعامدىق ءىس- شارالارى، زەرتتەۋ جۇمىستارى قازاقستان پرەزيدەنتى ن. ءا. نازاربايەۆتىڭ «ماڭگىلىك ەل» ، «100 ناقتى قادام» – ۇلت جوسپارى، يندۋستريالاندىرۋ، «بولاشاققا باعدار: رۋحاني جاڭعىرۋ» باعدارلامالارىنىڭ اياسىندا وتكەنىن ايتىپ وتكەن ءجون. وسىنىڭ ءبارىن جيىنعا كەلگەندەر قىزىعا تىڭدادى جانە ينستيتۋت جۇمىسىمەن جەتە تانىس ەكەندىگىن ءبىلدىرىپ، ءسوز سۇرادى. ءسوز العانداردىڭ اراسىندا مادەنيەتتانۋشى مۇرات اۋەزوۆ، شىعىستانۋشى ءابساتتار دەربىسالى، بەلارۋس ەتنومادەني ورتالىعىنىڭ جەتەكشىسى ل. پيتالەنكو، شىعىستانۋشى- پروفەسسور، «باربانگ» قازاقستان كۇردتەرى قاۋىمداستىعىنىڭ پرەزيدەنتى كنياز ميرزويەۆ، ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك، سۋرەتشى ەركىن نۇرازحان جارىققا شىققان ەڭبەكتەرمەن تانىسا وتىرىپ، جاسالعان ەڭبەكتىڭ تابىستى بولعانىن، كەيبىر عىلىمي ەڭبەكتەردى قايتا قاراۋدىڭ قاجەت ەكەنىن اتاپ ءوتتى.

ينستيتۋت ديرەكتورى ءبىلىم جانە عىلىم مينيسترلىگى عىلىم كوميتەتىنىڭ عالىمدارعا جاساعان جەكەلەگەن قامقورلىعىن دا اتاۋسىز قالدىرمادى. بىلتىرعى جىلى ينستيتۋتتىڭ ونشاقتى جاس عالىمى ماقساتكەرلىك باعدارلاماسى اياسىندا باسپانامەن قامتاماسىز ەتىلگەن. ينستيتۋت وتكەن جىلى عىلىمي كادرلار دايىنداۋ سالاسىندا دا ايتارلىقتاي جەتىستىكتەرگە جەتىپ، ماگيستراتۋرا مەن عىلىمي ىزدەنىستەرگە بايلانىستى كەڭ اۋقىمدى جوسپارلى جۇمىستار جۇرگىزۋدى قولعا العان. سونىڭ ناتيجەسىندە ءال- فارابي اتىنداعى قازۇۋ- مەن بىرلەستىكتە «عىلىم ورداسى» بازاسىنداعى عىلىمي كادرلار دايارلاۋ ورتالىعىنىڭ باعدارلامالارى نەگىزىندە ۇمىتكەرلەر وقۋعا قابىلدانىپ، بىرنەشە ماگيسترانت، دوكتورانتتار ءبىلىم الۋدا. مۇنىڭ ءوزى عىلىمنىڭ ءبىلىم مەن تاجىريبەنىڭ ۇشتاسا وتىرىپ، دامۋىنا ىقپال جاسايتىنى باسا ايتىلدى. بۇل جۇمىستىڭ بولاشاقتا تۇراقتى ءارى تياناقتى تۇردە جالعاسىن تابا بەرەتىنىن قاتىسۋشىلار قۋانىشپەن قابىلدادى.

2018 -جىلى ينستيتۋت جۇزەگە اسىراتىن گرانتتىق جوبالار مەن نىسانالى باعدارلاما، رەسپۋبليكالىق جانە حالىقارالىق ءىس- شارالاردىڭ مازمۇنى، يدەيالىق باعدارى رەسپۋبليكامىزدىڭ دامۋ ستراتەگياسىنداعى ەكى باعدارلامانى – «رۋحاني جاڭعىرۋ» جانە «تسيفرلى قازاقستان» باعدارلامالارىن ىسكە اسىرۋدى جالعاستىرۋعا باعىتتالعان.

2017 -جىلى ينستيتۋتتىڭ ءىس- شارالار جوسپارىنا جانە ءبىلىم جانە عىلىم مينيسترلىگىنىڭ «رۋحاني جاڭعىرۋ» باعدارلاماسىن ىسكە اسىرۋ جوسپارىنا سايكەس بىرنەشە حالىقارالىق، رەسپۋبليكالىق كونفەرەنتسيالار، دوڭگەلەك ۇستەلدەر، عىلىمي سەمينارلار، اشىق دارىستەر ۇيىمداستىرىلىپ، جوعارى دەڭگەيدە وتكىزىلگەن.

م. و. اۋەزوۆ اتىنداعى ادەبيەت جانە ونەر ينستيتۋتىنىڭ ادەبيەتتانۋ، فولكلورتانۋ مەن ونەرتانۋ سالاسىندا اتقارعان قىزمەتى، جەتىستىگى، جۇمىس ناتيجەلەرى جايىندا كوپشىلىككە تولىمدى اقپارات ۇسىنۋ ماقساتىندا وتكىزىلگەن جاريا ەسەپ بەرۋ جيىنى قاتىسۋشىلار تاراپىنان قاناعاتتانارلىق دەپ قابىلداندى. جيىنعا جوعارى وقۋ ورىندارىنىڭ وقىتۋشى- پروفەسسورلار قۇرامى، ادەبيەتتانۋشى، ونەرتانۋشى عالىمدار، ماگيسترانت، دوكتورانتتار، ءتۇرلى مەملەكەتتىك، قوعامدىق ۇيىم، سالا قىزمەتكەرلەرى قاتىستى.

ايگۇل احانباي قىزى،
«ەگەمەن قازاقستان»

الماتى