تۇركى الەمىنىڭ 100 تۇعىرلى تۇلعاسى انىقتالماق


تۇركى اكادەمياسى حالىقارالىق ۇيىمى (TWESCO) قازاقستان پرەزيدەنتى نۇرسۇلتان نازاربايەۆتىڭ «رۋحاني جاڭعىرۋ» باعدارلاماسى اياسىندا الەمدىك وركەنيەتكە ۇلەس قوسقان 100 تۇركى تۇلعاسىنىڭ ءتىزىمىن جاساماق.
اكادەميا باسشىسى دارحان ءقىدىرالىنىڭ ايتۋىنشا، «تۇركى الەمىنىڭ 100 تۇعىرلى تۇلعاسى» دەپ اتالاتىن اۋقىمدى جوبا ادامزات تاريحىندا ءىز قالدىرعان ەسىمدەردى انىقتاۋدى كوزدەيدى. ول ءۇشىن اكادەميا ارنايى سايت جاساپ، حالىقارالىق ساۋالناما جۇرگىزۋدى جوسپارلاپ وتىر. ساۋالناما ناتيجەسىندە شىن مانىسىندە عىلىمي، وي- تانىم تۇرعىسىنان ءىز قالدىرعان تۇلعالارىمىزدى تۇگەندەۋگە ءۇمىتتىمىز، دەيدى ۇيىمداستىرۋشىلار.

ايتا كەتۋ كەرەك، بۇگىن استاناداعى ورتالىق كوممۋنيكاتسيالار قىزمەتىندە اكادەميانىڭ وتكەن جىلدارى اتقارعان قىزمەتى مەن كەلەشەك جوسپارلارىنا ارنالعان باسپا ءسوز بريفينگى ءوتتى. جيىندا TWESCO باسشىسى دارحان ءقىدىرالى مەن تۇركى كەڭەسى اقساقالدار كەڭەسىنىڭ مۇشەسى ءادىل احمەتوۆ ۇيىمنىڭ جوبالارى مەن حالىقارالىق بايلانىستارى جونىندە كەڭەيتىلگەن مالىمەت بەرىپ، جۋرناليستەر ساۋالدارىنا جاۋاپ بەردى.

سۋرەتتى تۇسىرگەن ورىنباي بالمۇرات