قىتاي: سي تسزينپين 2023 -جىلدان كەيىن بيلىكتە قالۋى مۇمكىن


قىتاي كوممۋنيستىك پارتياسى كونستيتۋتسيادان مەملەكەت باسشىسىنىڭ 2 بەسجىلدىقتان ارتىق كەزەڭگە سايلاۋعا تۇسۋگە بولمايتىنى تۋرالى ەرەجەنى الىپ تاستاۋدى ۇسىندى، دەپ حابارلايدى ۆۆس.
ياعني، بۇل ەرەجە الىنىپ تاستالسا، ق ح ر قازىرگى باسشىسى سي تسزينپين 2023 -جىلى پرەزيدەنتتىك مەرزىم اياقتالعاننان كەيىن دە بيلىك باسىندا قالۋعا مۇمكىندىك الماق.  بۇعان دەيىن دە ونىڭ 2023 -جىلدان كەيىن بيلىكتە قالۋدىڭ جولدارىن قاراستىراتىنى تۋرالى اقپارات تاراعان بولاتىن.

2017 -جىلدىڭ قازان ايىندا پارتيا سەزىندە سي تسزينپين ماو تسزەدۋننان كەيىنگى ىقپالدى باسشى رەتىندە تانىلدى. سول كەزدە ونىڭ ءسوتسياليزمدى دامىتۋ جولدارى تۋرالى يدەياسى كونستيتۋتسياعا ەنگىزىلدى.

سي تسزينپين 1953 -جىلى ق ح ر كوممۋنيستىك پارتياسىنىڭ نەگىزىن سالۋشىلاردىڭ ءبىرىنىڭ وتباسىندا دۇنيەگە كەلگەن. ول پارتيا مۇشەلىگىنە 1974 -جىلى قابىلداندى. ال 2013 -جىلى پارتيا ءتوراعاسى بولدى.
قىتايدا پرەزيدەنتتىك مەرزىم 10 جىلدان اسپاۋ كەرەكتىگى تۋرالى ەرەجە 1990 -جىلعى كونستيتۋتسيادا بەكىتىلگەن.