كوكەك انا، شاراسىز اكە، تاستاندى بالا


اۋدان ورتالىعى بۋلايەۆ ستانساسىندا ولمەشىنىڭ كۇنىن كورىپ، تارشىلىقتا تۇرىپ جاتقان جاقسىلىق اسقاروۆتىڭ ابدەن تىعىرىققا تىرەلگەنى سونشالىق، كومەك سۇراپ، جۇرتشىلىققا قايرىلۋعا ءماجبۇر.
جاعدايىن ايتىپ، اۋداندىق اكىمدىككە بارعانمەن، شىعارىپسالما جاۋاپتان مەزى بولىپ، تاۋى شاعىلعان سياقتى. كامەلەتكە تولماعان ءۇش بالانى اسىراپ وتىرعان جالعىزىلىكتى اكەنى قاتتى قيناپ تۇرعانى – باسپانانىڭ قازىرگى جايى. ەسكى ءۇيدى الدەكىمنەن قولحات ارقىلى ساتىپ الىپتى. ەندى اپاتتى دەپ تانىلعان باسپانانىڭ قۇجاتتارى بولماعاندىقتان كەزەككە تۇرا الماي ابدەن اۋرە- سارساڭعا ءتۇسىپ ءجۇر. ءتيىستى قۇجاتتاردى اكەلسە كەزەككە ەش كەدەرگىسىز قويىلادى. جالعىزىلىكتى اكە رەتىندە تانىلماعان. بۇرىنعى ايەلى انالىق قۇقىنان ايىرىلماعان. سوندىقتان زاڭدى بۇزۋعا ەش قاقىمىز جوق، دەيدى تۇرعىن ءۇي- كوممۋنالدىق شارۋاشىلىق ءبولىمىنىڭ ماماندارى.

كۇنى بويى اۋىر جۇمىس اتقارىپ، كەشكە قاراي ءسۇرىنىپ جەتەتىن جاقسىلىقتىڭ 25 مىڭ تەڭگە ايلىعى شايلىقتان دا ارتىلمايدى. جالاقىسى قوماقتىلاۋ جۇمىسقا اۋىسايىن دەسە بالالارىنا الاڭدايدى. ۇل- قىزدارىم مەكتەپتە وقيدى. الەۋمەتتىك جاعدايىمىز وتە قيىنداپ كەتكەننەن كەيىن قايىرىمدى جانداردان كومەك سۇراعانىم راس، دەيدى ول شاراسىزدىقتان جانى سىزداپ.

وسىدان ءتورت جىل بۇرىن شيەتتەي بالالارىن تاستاپ، وزگە ەركەكتىڭ جەتەگىندە كەتە بارعان كوكەك انانىڭ اليمەنت بەرەشەگى 1 ميلليون تەڭگەدەن اسىپ كەتىپتى. ءبىراق سوت شەشىمىنىڭ جۋىق ارادا ورىندالاتىن ءتۇرى بايقالمايدى. وعان ءالى كۇنگە دەيىن زاڭدى تۇردە اجىراسپاۋى بوگەت بولىپ وتىرعان ءتارىزدى. ءتىپتى بالالارعا مەملەكەتتەن تيەسىلى جاردەماقى دا بەلگىلەنبەگەن. ماسەلە تاعى دا قۇجاتتىق قاعازدارعا كەلىپ تىرەلەدى.

ءومىر ەسقالي،
«ەگەمەن قازاقستان»

سولتۇستىك قازاقستان وبلىسى،

م. جۇمابايەۆ اۋدانى