وڭتۇستىكتە كوكتەمگى جۇمىستار باستالدى


كوكتەم قۇسى ناۋىرزەك كەلىپ، كۇن ساۋلەسىنىڭ قىزۋىن سەزىنگەن جەرگە قىلتيىپ كوك، مايىسىپ قارگۇلى- بايشەشەك شىققان وڭتۇستىكتە ديقاندار دالا جۇمىستارىنا كىرىسە باستادى. بۇگىندە وڭتۇستىك قازاقستان وبلىسى ماقتارال اۋدانىنىڭ ەگىستىك القاپتارىندا 50-دەن استام بريگادا قىرىققابات داقىلىن ەگۋدە.
ديقاندار مامىر ايىنا جەتپەي اعاشقى ءونىمدى الۋدى جوسپارلاپ وتىر. “ءابساتتار اتا” شارۋا قوجالىعىنىڭ باسشىسى فازىلبەك جارقىنبەكوۆتىڭ ايتۋىنشا،  150 مىڭ ءتۇپ قىرىقاباتتىڭ كوشەتى جىلىجايدا دايىندالعان. بۇگىندە 30 ادام سول كوشەتتەردى ەگۋمەن اينالىسىپ، كۇنىنە 2000 تەڭگەدەن ەڭبەكاقى الۋدا. كۇتىپ- باپتاۋعا ۇلكەن ءمان بەرىپ وتىرعان ديقاندار ەگىلگەن كوشەتتىڭ ءۇستىن جاپقىشپەن جاۋىپ، جاۋىن- شاشىننان قورعاۋ جاعىن دا ويلاستىرىپ قويعان. داقىل 2-ايدىڭ كولەمىندە ءپىسىپ، جەتىلەدى. سونداي- اق، 90 كۇندە جەتىلەتىن سورتى دا ەگىلگەن. ەرتە پىسەتىن، سالماعى 1-1,5 كەلىدەن اسپايتىن قىرىققاباتتىڭ نيدەرلاندىق پانديون سۇرپىنا ەۋروپالىقتار مەن رەسەيلىكتەر تاراپىنان سۇرانىس كوپ ەكەن.  جىلىنا ەكى رەت ءونىم الاتىن شارۋالار قىرىققابات جينالعان سوڭ ورنىنا قاۋىن- قاربىز ەكپەك.

وتكەن جىلى ماقتارالدىقتار 50 توننادان استام قىرىققابات ءونىم العان بولاتىن.

عالىمجان ەلشىباي،
«ەگەمەن قازاقستان»