پاۆلوداردا «ساعىم جىلدار» اجەلەر ءانسامبلى قۇرىلدى


وبلىس ورتالىعىنداعى ق. ابۋسەيىتوۆ اتىنداعى مادەني- ساۋىق ورتالىعىندا قۇرىلعان اجەلەر ءانسامبلى «ساعىم جىلدار» دەپ اتالادى. انسامبل قۇرامىندا ءان سالاتىن اجەلەر وتكەن جىلدار اندەرىن اۋەلەتىپ، قايتا ورالماس جاستىق شاقتىڭ ساعىمداي بۇلدىراعان كۇندەرىن ەسىڭىزگە سالادى.
انسامبل اتاۋىن اجەلەر وزدەرى تاڭداعان. ءانشى ءمادينا ەراليەۆا ورىنداعان «ساعىندىم، ساعىم جىلدار» دەيتىن انمەن ءانسامبلدىڭ اتالۋىندا ءمان بار. اينالىپ كەلگەن ادامنىڭ بۇكىل ءومىرى ساعىنىشتان تۇرادى عوي. ءاننىڭ ء وزى دە، ءسوزى دە سول ساعىنىشتىڭ سازدى يرىمدەرى.

ول ءاندى شىرقاپ جاتقان اجەلەردىڭ جۇزدەرى جارقىن، جاندارى جاس. ءارقايسى ساليقالى ۇرپاق ءوسىرىپ، شوبەرە ءسۇيىپ وتىرعان ۇلاعاتتى انالار. ومىرلەرى دە، كوڭىلدەرى دە حوش. ءبىراق جۇرەكتەرى ساعىم جىلدارىن ساعىنادى، دەيدى ء انسامبلدىڭ مۋزىكالىق  جەتەكشىسى قازيگۇل باتىرحان قىزى.

ءانسامبلدىڭ  ۇلكەنى باقىتجامال  اجە ەلەۋكەن قىزى  71 جاستا  ەكەن. ال زەينەت جاسىنا جەتكەن قازيگۇل باتىرحان قىزى، ليۋبوۆ نۇرعازينوۆا اپالار بۇرىنعى سالىق قىزمەتكەرلەرى،  مانات باتتال قىزى كىتاپحاناشى، راۋشان مەيراموۆا مەدبيكە، كەنجە قۇسايىنوۆا ەسەپشى، روزا احمەتوۆا اعىلشىن ءتىلى ءپانىنىڭ ءمۇعالىمى، قارلىعاش ماۋتينا  جەكە كاسىپكەر، جىبەك قابىلكەنوۆا پوليتسيا بولىمىندە قىزمەت جاساپتى. اجەلەر ءانسامبلىنىڭ كوركەمدىك جەتەكشىسى گاينۋتدين تاشيموۆ.

اجەلەردىڭ سونداي- اق ءبىر بويىنان بىرنەشە ونەردى بايقاۋعا بولادى. ءان- قورجىندارىنان سىرلى ساز توگىلسە، ۇيلەرىندەگى ساندىق، كەبەجەلەرىنەن ءتۇرلى قولونەر بۇيىمدارىن كەزدەستىرەسىز. وسىلاردىڭ اراسىندا وبلىستىق، قالالىق دەڭگەيدە وتكىزىلگەن بارلىق مادەني شارالارعا بەلسەندى قاتىسادى.  اجەلەردىڭ  «ساعىم جىلدار» ء انسامبلىن وبلىس ورتالىعىنداعى قارتتار ءۇيى، «دەنساۋلىق» ، «ارداگەر» ساناتوريلەرى اسىعا كۇتەدى.

«زاعيپ جانە مۇمكىندىكتەرى شەكتەۋلى جاندار ءۇشىن دە ءجيى- ءجيى قايىرىمدىلىق كونتسەرتتەرىن وتكىزەمىز.  بىزبەن قوسىلىپ ءان ايتىپ، كوڭىلدەرى شارىقتاپ، ءبىر جاساپ قالادى. ساعىم جىلدار – ءار جۇرەكتە ءجۇر. ءان ايتىپ قانا قويماي، باۋىرساق، قۇرت- ىرىمشىك، قىمىز، قوسپا سياقتى ۇلتتىق تاعامداردان اۋىز تيگىزىپ، شاشۋ شاشىپ، تىڭداۋشىلاردىڭ ىقىلاستارىنا بولەنەمىز» ، دەيدى  باقىتجامال اجە.

سونداي- اق اتالمىش انسامبل – وبلىستىق «ەرتىس» تەلەارناسىنداعى «سالت- ءداستۇر» باعدارلاماسىنىڭ تۇراقتى قوناقتارى. باعدارلامادا بولاشاق جاستارعا قازاقتىڭ ۇلتتىق سالت- داستۇرلەرى جايلى كەلەلى كەڭەستەر ايتىپ وتىرادى. اسەم ءاندى اجەلەردى سونىمەن قاتار گ. پوتانين، بۇقار جىراۋ اتىنداعى مۋزەيدىڭ، قالالىق، وبلىستىق كىتاپحانالارىنداعى جاستار ۇنەمى كەزدەسۋگە شاقىرىپ وتىرادى.

ء«بىزدىڭ ورتالىقتا  مەكتەپ جاسىنداعى بالالارعا ارنالعان ۇيىرمەلەر  جۇمىس ىستەيدى. اجەلەردىڭ ساحناعا، مەرەكەلەرگە، كەزدەسۋلەرگە كيىپ باراتىن ۇلتتىق كيىمدەرىنىڭ ورنەكتەرى ءوز قولدارىمەن جاسالعان. ءىشى انگە، سىرتى سانگە تولعان اجەلەر ءانسامبلىن قۇرۋداعى ماقساتىمىز – جاستار دا ءداستۇرلى حالىق اندەرىن ەستىپ، ولار دا سالت- ءداستۇر، ۇلتتىق قولونەردىڭ باي مۇراسىمەن جاقىن تانىسسا دەگەن تىلەك» ، دەيدى ورتالىق   ديرەكتورى الما  ارىنوۆا.

فاريدا بىقاي،
«ەگەمەن قازاقستان»
پاۆلودار