باس باسىلىمداردىڭ باستى باعىتتارى

كەشە ورتالىق كوممۋنيكاتسيالار قىزمەتىندە «ەگەمەن قازاقستان» جانە «كازاحستانسكايا پراۆدا» گازەتتەرىنىڭ 2017 -جىلعى جۇمىس كورسەتكىشتەرى مەن 2018 -جىلعى جۇمىس جوسپارى بويىنشا بريفينگ ءوتتى.
«ەگەمەن قازاقستان» ر گ» ا ق باسقارما ءتوراعاسى دارحان ءقىدىرالى اقپارات جانە كوممۋنيكاتسيالار مينيسترلىگى بەكىتكەن «ستراتەگيالىق دامۋ تۇجىرىمداماسىنا» سايكەس، گازەت ۇجىمى 2017 -جىلى العا قويعان ماقسات- مىندەتتەر تولىعىمەن ىسكە اسىرىلعانىن جەتكىزدى. «سونىڭ ناتيجەسىندە باس باسىلىمدا فورماتتىق، ديزايندىق جانە مازمۇندىق وزگەرىستەر ورنىقتى» ، دەدى باسىلىم باسشىسى. «ەگەمەننىڭ» تاجىريبەسى مەن جەتىستىكتەرى قوعامداعى «گازەت وقىلمايدى» دەگەن پىكىرلەردىڭ تەرىسكە شىققانىن كورسەتكەنىن جەتكىزدى. ماسەلەن گازەت تارالىمى بيىل 206 مىڭنان اسىپ جىعىلسا، جاڭا بەتتەر مەن ايدارلار اشۋ باسىلىمنىڭ بۇقارالىق سيپاتى مەن مازمۇنىنىڭ ۇلعايۋىنا مۇمكىندىك بەردى. 2017 -جىلعى قاراشادان باستاپ گازەت دۇڭگىرشەكتەر جەلىسىندە ساتىلا باستادى. بيىل گازەت ساتىلاتىن ورىندار سانىن جۇزگە جەتكىزۋ جوسپارلانىپ وتىر. گازەت پورتالى دا ساپالىق جانە ساندىق وزگەرىستەرگە ۇشىرادى. دەربەس رەداكسيا رەتىندە تىركەلگەن egemen.kz سايتى لاتىن جانە توتە جازۋ نۇسقاسىمەن بىرگە، ورىس جانە اعىلشىن تىلدەرىندە اقپارات تاراتۋدى قولعا الدى. ءقازىر سايت ءقازاقتىلدى پورتالداردىڭ ۇزدىك ۇشتىگىنە ەنسە، باسىلىمدار اراسىندا كوش باستاپ تۇر. اعىلشىن تىلىندەگى نۇسقا ىسكە قوسىلعالى سايتتىڭ فرانتسيا، اقش، گەرمانيا، قىتاي جانە تۇركيا سىندى ەلدەردەگى وقىلىمى كۇرت ۇلعايدى. جۇزدەن استام ادام ەڭبەك ەتەتىن گازەت ۇجىمى جىلدان جىلعا جاسارىپ كەلەدى. جاس بۋىننىڭ ىشىندە «بولاشاق» باعدارلاماسىنىڭ تۇلەكتەرى بار.

100 جىلدىق مەرەيتوي قارساڭىنداعى گازەتتىڭ تاعى ءبىر بەلەسى رەتىندە الداعى ناۋرىز ايىنان باستاپ گازەت اتاۋى لاتىن قارپىمەن جاڭا ديزايندا شىعا باستايتىنىن ايتۋعا بولادى. بۇل رەتتە باسىلىمدى كۇندەلىكتى 16 بەتتەن شىعارۋ جوسپارلانىپ وتىر. سونداي- اق الەمدىك ءىرى اقپارات قۇرالدارىمەن ارىپتەستىك بايلانىس ورناتۋ ماقساتىندا كەلىسسوزدەر جۇرگىزىلىپ جاتىر.

جانە جاقىندا «ەگەمەن قازاقستان» اكادەمياسى» اتتى اۋقىمدى جوبا تۇساۋىن كەسەدى. جوبا اياسىندا شەتەلدەگى قازاق جۋرناليستەرىنە سەمينار، جەرگىلىكتى جۋرناليستەرگە ءتۇرلى تاعىلىمداما ۇيىمداستىرىلىپ، جۋرناليستيكا فاكۋلتەتتەرى ستۋدەنتتەرىنىڭ كاسىبي شىڭدالۋىنا، وڭىرلىك جانە سالالىق باسپا ءسوز قۇرالدارىنا كونسۋلتاتيۆتىك- ترەنينگتىك قولداۋ كورسەتىلمەك.

سونىمەن بىرگە ەلدەگى الەۋمەتتىك- ەكونوميكالىق، قوعامدىق- ساياسي ماسەلەلەر بويىنشا قوعامنىڭ پىكىرىن ءبىلۋ ءارى وقىرماندارمەن ءتيىمدى كەرى بايلانىس ورناتۋ ماقساتىندا رەسپۋبليكالىق ماسشتابتا كاسىبي الەۋمەتتانۋشىلاردى تارتا وتىرىپ، كەشەندى الەۋمەتتىك زەرتتەۋ جۇرگىزۋ سىندى جۇمىستار جوسپارلانىپ وتىر.

ال «كازاحستانسكايا پراۆدا» ر گ» ا ق باسقارما ءتوراعاسى ۆياچەسلاۆ پاشەنكو بىلتىر باسىلىمنىڭ نەگىزگى ۇستانىمدارى مەن قالىپتاسقان داستۇرلەرىن ساقتاي وتىرىپ، ديزاين فورماتىنىڭ تۇبەگەيلى وزگەر- گەنىن، شىعۋ كەستەسى دە دۇيسەنبى مەن جۇما كۇندەرىنە بەكىتىلگەنىن جەتكىزدى. «ارينە، بۇل وزگەرىستەر گازەتتىڭ مازمۇنىنا دا قاتىستى. وقىرماندار قىزىعۋشىلىعىن وياتاتىن ايدارلار ەنگىزىلدى. تاقىرىپتىق بەتتەر پايدا بولدى. كونسترۋكتيۆتى سىنعا، جۋرناليستىك زەرتتەۋگە، ساراپتاماعا كوپ كوڭىل ءبولىندى» ، دەدى ۆ. پاشەنكو. ونىڭ ايتۋىنشا، الدىڭعى كەزەكتە اقپاراتتىق ەمەس، ساراپتاۋ تۇرعىسىنداعى جەدەلدىككە باسىمدىق بەرىلدى. گازەتتىڭ kazpravda.kz سايتىنا دا رەديزاين جۇرگىزىلىپ، ينتەرنەت- پورتال جاڭا مۋلتيمەديالىق جوبالاردى ىسكە قوستى. وسى ارقىلى جۇما سايىن بالالار ءوزىنىڭ ارمانىنداعى ماماندىقتارمەن قالاي تانىساتىنى تۋرالى بەينەتاريح جارىققا شىعادى. بۇل جوباعا استانالىق بالالار ۇيلەرىنىڭ تاربيەلەنۋشىلەرى قاتىسۋدا. سونىمەن بىرگە الەۋمەتتىك جەلىلەردەگى جازىلۋشىلار قاتارى دا ۇلعايىپ كەلەدى.

بريفينگ بارىسىندا قوس باسىلىمنىڭ باسشىلارى اقپاراتتىق ءونىم ساپاسىن جەتىلدىرۋ باعىتىنداعى باسقا دا جوبالاردى تانىستىرىپ، ءبىرقاتار ساۋالدارعا جاۋاپ بەردى.

دۋمان اناش،

«ەگەمەن قازاقستان»

سۋرەتتى تۇسىرگەن

ورىنباي بالمۇرات،

«ەگەمەن قازاقستان»