ەرەجە بۇزۋشىلارعا ەرەكشە باقىلاۋ


ورتالىق كوممۋنيكاتسيالار قىزمەتىندە استانا قالاسىندا جول قوزعالىسى قاۋىپسىزدىگىن قامتاماسىز ەتۋگە ارنالعان باسپا ءسوز كونفەرەنتسياسى ءوتتى.
ءىس- شاراعا قاتىسقان استانا قالاسى ءىىد جەرگىلىكتى پوليتسيا قىزمەتىنىڭ باستىعى، پوليتسيا پولكوۆنيگى باقىتجان مالىبايەۆ بۇگىنگى كۇنى قالانىڭ كوشە- جول جەلىلەرىنىڭ جالپى اۋماعى 6 , 1146 ك م. قۇرايتىنىن جەتكىزدى.

«وتكەن 2017 -جىلى پوليتسيا قىزمەتكەرلەرى قالانىڭ كوشە- جول جەلىلەرىنە 320 رەت تەكسەرىس جۇرگىزگەن، تەكسەرىس بارىسىندا 15 مىڭ كم جەر قامتىلعان. تەكسەرىس ناتيجەسى بويىنشا استانا قالاسى جولاۋشىلار كولىگى جانە اۆتوموبيل جولدارى باسقارماسىنا، اۋدان اكىمدىكتەرىنە جانە باسقا دا مۇددەلى ورگاندارعا 422 ۇيعارىم بەرىلگەن. جاۋاپتى ادامداردىڭ جۇمىس جۇرگىزۋ كەزىندە جول قوزعالىسى قاۋىپسىزدىگىن قامتاماسىز ەتۋ،   سونداي- اق كوشە- جول جەلىلەرىن كۇتىپ- ۇستاۋعا جاۋاپتى ادامداردىڭ تالاپتاردى ورىنداماعاندارى ءۇشىن  224 لاۋازىمدى ادام جاۋاپقا تارتىلدى» ، دەدى ب. مالىبايەۆ.

سونىمەن قاتار بريفينگكە استانا قالاسى ءى ى د جەرگىلىكتى پوليتسيا قىزمەتى  باستىعىنىڭ ورىنباسارى، پوليتسيا پولكوۆنيگى تاحير ابدۋراحمانوۆ، استانا قالاسى ءىىد اكىمشىلىك پوليتسيا باسقارماسى جول تەحنيكالىق ينسپەكتسيا ءبولىمىنىڭ ەرەكشە تاپسىرمالار جونىندەگى اعا ينسپەكتورى، پوليتسيا پودپولكوۆنيگى باحىتجان التىباي قاتىستى.

سونداي- اق ول وتكىزۋ قابىلەتتىلىگىن كوبەيتۋ ماقساتىندا 8 ۋچاسكەدە  جەكە بولىنگەن وڭ جاقتى قوزعالىس جولاقتارىنىڭ قۇرىلىسى جۇرگىزىلگەندىگىن، قالا كوشەلەرىنىڭ 12 ۋچاسكەسىندە «Bus Linە» قوعامدىق كولىكتەرى ءۇشىن بولىنگەن جولاقتار قولدانىلاتىنىن ايتتى.

«جىلدان جىلعا ج ج ە- ءنى بۇزۋدى جازىپ الۋدىڭ اۆتوماتتى جۇيەسى كەڭەيۋدە. قازىرگى ۋاقىتتا قالادا جىلدامدىق رەجىمىن جازىپ الاتىن «Red Speed» ستاتسيونارلىق جىلدامدىق ولشەۋىشى، «Vocord» اپپارات كەشەنى، «ينتەگرا كدد» جول قوزعالىسىن باقىلاۋ جۇيەسى سياقتى 115 جۇيە ورناتىلعان. «مەملەكەت- جەكەمەنشىك ارىپتەستىگى» جوباسىن ىسكە اسىرۋ اياسىندا ەلوردادا 2017 -جىلدىڭ قازانىنان باستاپ 20 جەلىلىك جول ۋچاسكەسىندە «Bus Linە» بويىنشا بۇزۋشىلىقتاردى جازىپ الاتىن «سەرگەك» اپپاراتتىق- باعدارلامالىق كەشەنى پايدالانۋعا ەنگىزىلدى. كەشەن جول قوزعالىسىن تاۋلىك بويى اۆتوماتتى باقىلاۋ مۇمكىندىگىن ۇسىنادى، سونداي- اق كولىك قۇرالدارىنىڭ ج ج ە- ءنى بۇزۋىن قاشىقتان جازىپ الۋعا ارنالعان. «سەرگەك» اپپاراتتىق- باعدارلامالىق كەشەنىن ەنگىزۋ قالادا جول- كولىك وقيعالارى سانىنىڭ قىسقارۋىنا ايتارلىقتاي ىقپال ەتتى. 2017 -جىلدىڭ قورىتىندىسى بويىنشا تومەندەۋ 1,7  پايىزدى قۇرادى. «سەرگەك»   ابك ىسكە قوسىلعاننان باستاپ 2017 -جىلدىڭ اياعىنا دەيىن 242 ملن تەڭگەدەن استام سوماعا 35 مىڭنان استام قۇقىق بۇزۋشىلىق وڭدەلدى. ۇستىمىزدەگى جىلى 1580 قۇقىق بۇزۋشىلىق تىركەلىپ، ايىپ سوماسى 9 ملن- نان استام تەڭگەنى قۇرادى» ، دەدى ول.

استانا قالاسى ءىىد جەرگىلىكتى پوليتسيا قىزمەتىنىڭ باستىعى جول قوزعالىسىن قاداعالاۋدى جۇزەگە اسىرۋ كەزىندە جول قيىلىسىنان ءوتۋ قاعيداسىن بۇزۋ، اپاتتى جاعداي تۋدىرۋ، قوزعالىستىڭ قارسى جولاعىنا شىعۋ، جىلدامدىق رەجىمىن ارتتىرۋ، كولىك قۇرالىن ماس كۇيدە باسقارۋ سياقتى اپاتتارعا اكەلىپ سوقتىراتىن ججە- ءنى بۇزۋشىلىققا ەرەكشە كوڭىل بولىنەتىنىن جەتكىزدى.

«2017 -جىلى 197 مىڭنان استام جول قوزعالىسىن بۇزۋشىلىق انىقتالدى، بارلىق فوتو- بەينەتىركەۋ جۇيەسى 939 ملن تەڭگەدەن استام سومانى قۇرايتىن 60 مىڭعا جۋىق قۇقىق بۇزۋشىلىقتى تىركەگەن» ، دەدى باقىتجان مالىبايەۆ.

راۋان قايدار،
«ەگەمەن قازاقستان»