استانانىڭ 20 جىلدىعىنا ارنالعان جاس اقىندار ءمۇشايراسى وتەدى


وتكەن جىلى استانا قالاسىنىڭ جاستار ساياساتى ماسەلەلەرى باسقارماسى ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا «مەملەكەتتىك رامىزدەر – ماقتانىشىم!» جانە «ماڭگىلىك ەل – مۇراتىم!» تاقىرىبىندا قازاقستان رەسپۋبليكاسى مەملەكەتتىك رامىزدەرىنىڭ 25 جىلدىعىنا ارنالعان استانا قالالىق جاس اقىندار ءمۇشايراسىن وتكىزگەن بولاتىن.
ءمۇشايراعا ەلىمىزدىڭ وڭىرلەرىنەن 200 گە جۋىق جاس اقىن قاتىسىپ، ءمۇشايرا جەڭىمپازدارىن اقىن نەسىپبەك ايت ۇلى، قر ءماجىلىس دەپۋتاتى باقىتبەك سماعۇل، قوعام قايراتكەرى ورازكۇل اسانعازى، ونەر قايراتكەرى نۇرلان ونەربايەۆ، اقىن قالقامان سارين جانە باسقا دا بەلگىلى قوعام قايراتكەرلەرى ماراپاتتاعان. قورىتىندى بويىنشا ۇزدىك 30 اقىننىڭ ولەڭدەرى كىتاپ بولىپ جارىققا شىعارىلعان.

استانا قالاسى اكىمدىگىنىڭ جاستار ساياساتى ماسەلەلەرى باسقارماسى اقىندار ءمۇشايراسىن وسى جىلى دا وتكىزۋدى جوسپارلاۋدا. ءبىراق وسى جىلعى شارا ەلىمىزدىڭ باس قالاسى استانا قالاسىنىڭ جيىرما جىلدىق مەرەيتويىنا ارنالادى.

«ءمۇشايرانىڭ العاش رەت وتكىزىلگەنىن جانە ماڭىزدىلىعىن ەسكەرە وتىرىپ، وسى جىلدان باستاپ ءداستۇرلى تۇردە وتكىزەمىز دەگەن ويدامىز، سونىمەن قاتار،   كەلەسى ءمۇشايرا ەلوردانىڭ 20 جىلدىق مەرەيتويىنا ارنالاتىن بولادى» ، – دەدى جاستار ساياساتى ماسەلەلەرى باسقارماسىنىڭ باس مامانى اقۇلان تاستەمىر.