بالالار «سارايشىققا ساياحات» اتتى ءمۋلتفيلمدى تاماشالادى


كونە سارايشىق شاھارىنا بالالاردىڭ قىزىقتى ساپارى مۋلتفيلمگە ارقاۋ بولدى.
اتىراۋ وبلىستىق اكىمدىگىنىڭ تاپسىرىسىمەن Q- Daily مەديا ورتالىعى دايىنداعان مۋلتيپليكاتسيالىق فيلم ادەمى دە اسەرلى شىققان. «رۋحاني جاڭعىرۋ» باعدارلاماسى اياسىندا تۇسىرىلگەن بۇل تۋىندى تاريحي ورىنداردى ناسيحاتتاپ، وسكەلەڭ ۇرپاقتى بابالار ءجۇرىپ وتكەن جولمەن تانىستىرۋدى  ماقسات ەتكەن.

– 10 بولىمنەن تۇراتىن «سارايشىققا ساياحات» – قازاقستانداعى جاڭا تەحنولوگيامەن جاسالعان العاشقى مۋلتيپليكاتسيالىق فيلم، – دەيدى جوبا پروديۋسەرى ازامات اتاگەلديەۆ. – ونى قۇراستىرۋعا ەكى اي ۋاقىت كەتتى. كىشكەنە كورەرمەندەردىڭ كوڭىلدەرىنەن شىعادى دەگەن سەنىمدەمىز.

«سارايشىققا ساياحاتتى» الدىمەن وبلىس ورتالىعىنداعى مەكتەپتەردىڭ 400-گە جۋىق باستاۋىش سىنىپ وقۋشىلارى تاماشالادى. ەندى جاڭا فيلممەن باسقا بالالار دا تانىسادى.

باقىتگۇل باباش

«ەگەمەن قازاقستان»

اتىراۋ