ءومىردى كىم ايتتى ولەڭ دەپ؟ !


«اقىن بوپ ءومىر كەشۋ وڭاي دەيمىسىڭ، قاراعىم،
اۋزىندا بولۋ بۇل ءوزى سىزداعان بارلىق جارانىڭ،
ناقاقتان كۇيىپ باراتسا نۇرلى كۇن ءۇشىن ءبىر تۇتقىن،
كەس- كەستەپ بارىپ كەۋدەڭدى وعىنا توسۋ مىلتىقتىڭ،
قالدىرماۋ ءۇشىن ۇياتقا كۇناسىز مىناۋ دۇنيەنى،
جاماۋ قىپ باسۋ ءوزىڭدى اۋزىنا بارلىق جىرتىقتىڭ» ،  – دەپ قازاقتىڭ ماڭدايىنا بىتكەن اقيىق اقىنى تولەگەن ايبەرگەنوۆ سيپاتتاعان بەكزات ونەردى جانىنا سەرىك ەتىپ كەلە جاتقان جاس اقىنداردىڭ ءبىرى – سولتۇستىك قازاقستان وبلىسىندا جارىق كورەتىن قالالىق « قىزىلجار نۇرى» گازەتىنىڭ رەداكتورى نۇرگۇل وقاشەۆا.

11-سىنىپتا وقىپ جۇرگەندە قالىڭ وقىرمانعا «جۇرەگىم جىردان عانا جاراتىلعان» دەگەن اتپەن بالاۋسا جىرلارىن ۇسىنىپ ۇلگەرگەن ونىڭ ءالى سياسى كەبە قويماعان «كۇز بەن قىز» جيناعىنا قارىمدى قالامگەر وڭايگۇل تۇرجاننىڭ ءالعىسوز جازۋى كەزدەيسوق ەمەس. دەمەك «سەزىم سولاي كۇيدىرىپ «قوش ايتادى» ، ءاز جانىمنىڭ قالادى جىر – ەمى بولىپ.

.. .ساۋساقتارىن اعاشتار شوشايتادى، اقىن كەلە جاتىر دەپ جۇرەگى جوق» . بولماسا «ايىرباستاپ سەزىمگە بار اقىلدى، جابىرقاتتى جانىمدى «جارا» ءتۇرلى. سەن مەن ءۇشىن الەمسىڭ، تۇتاس الەم، بالكىم، الەم سەن ءۇشىن جاراتىلدى» دەگەن سىرشىل سەزىمدەرگە، توسىن ويلارعا تولى جىرلارىمەن ولەڭ ولكەسىنە وزىندىك ورنەكپەن قانات قاعۋعا تالپىنعان قارىم- قۋاتىن تانىعاندىقتان بولار. ماعجان ەلىندە ونىڭ ء«سىز ولەڭ عاناسىز» اتتى جىر كەشى وتكەنىن ەستىپ، قۋانىپ قالدىم.

ويتكەنى توپىراعى قۇنارلى بۇل ولكەدەن ۇلتتىق پوەزيا مەن پروزانىڭ تورىنەن ويىپ تۇرىپ ورىن العان ماعجاننىڭ، ءسابيتتىڭ، ءعابيتتىڭ، سافۋاننىڭ، ولاردىڭ ءىزىن جالعاستىرىپ كەلە جاتقان جەرگىلىكتى اقىن- جازۋشىلار جاراسباي سۇلەيمەنوۆتەن، زەينوللا اكىمجانوۆتان كەيىن ارالىقتى جالعاستىرۋشى بۋىن، ءداستۇر ۇزىلىڭكىرەپ قالعان ەدى. ەندى، مىنە، «ەلجىرەپ.. .ەمىنىپ.. .ەلەڭدەپ.. ., دەرتىمەن الاتىن مەنى ەمدەپ. ءسىز – ولەڭ عاناسىز، بارى سول، ءومىردى كىم ايتتى ولەڭ دەپ؟ !» دەگەن ايشىقتى، ءمولدىر جىرلار ءجيى ۇشىراساتىن جيناقتا وزىندىك قولتاڭبا ايقىن اڭعارىلادى.

وسىندايدا ونەر مەن مادەنيەتتىڭ قايناعان ورداسى – ارۋ الماتىداعى جامبىل اتىنداعى جاسوسپىرىمدەر كىتاپحاناسىندا ءوزىم ورتاقتاسقان جىر كەشى ويعا ورالادى. «كۇز بەن قىز» اتتى ولەڭدەر جيناعىنىڭ تانىستىرىلىمىندا بەلگىلى اقىن ايان نىسانالين، قازاقستان جازۋشىلار وداعى باسقارماسى ءتوراعاسىنىڭ ورىنباسارى، «قازاق ادەبيەتى» گازەتىنىڭ باس رەداكتورى جاناربەك ءاشىمجان نۇرگۇلدىڭ ادەبي ورتا جىلى قابىلداعان شۋاقتى جىرلارى تۋرالى جىلى لەبىزدەرىن بىلدىرگەن.

– مەن نۇرگۇلدى ستۋدەنت كەزىنەن جاقسى تانيمىن. پاۆلوداردا وتكەن رەسپۋبليكالىق جاس اقىندار فورۋمىندا تاڭعى شىقتاي ءمولدىر ليريكالىق جىرلارىمەن ادەبي قاۋىمدى سەلت ەتكىزگەن. ونىڭ ولەڭىن وقىعان ادام سىرشىل سەزىمنىڭ تۇڭعيىعىنا باتىپ، شىنايىلىقتىڭ سىرىنا قانىعارى ءسوزسىز، – دەگەن ەدى جاناربەك. استانا تورىندە ۇيىمداستىرىلعان ادەبي كەشتە پارلامەنت ءماجىلىسىنىڭ دەپۋتاتى كارىباي مۇسىرمان، ابايتانۋشى ومار جالەل، اقىن قالقامان سارين، تاعى باسقالار اقجول تىلەگەن.

ء سوز اراسىندا نۇرگۇلدىڭ فاريزا وڭعارسىنوۆا اتىنداعى «ولەڭ، مەن سەنى ايالاپ وتەم» ، «مۇقاعالي ماقاتايەۆتىڭ «پوەزيا مەنىمەن ەگىز بە ەدىڭ؟ » اتتى اقىندار ءمۇشايراسىنىڭ جەڭىمپازى ەكەنىن ايتا كەتۋ ءلازىم.

قاسيەتتى قىزىلجار وڭىرىندە ەڭبەك ەتىپ جۇرگەن اقىن قارىنداسىمىزعا شالقار شابىت قۇشاعىنا بولەنە بەر دەمەكپىز.

قاسىمحان بەگمانوۆ،
اقىن، «الاش» ادەبي سىيلىعىنىڭ لاۋرەاتى، ء«داستۇر» جۋرنالىنىڭ 
باس رەداكتورى

سۋرەتتى تۇسىرگەن 
تالعات تانىباەۆ