ءسالي ءسادۋاقاس ۇلى . اتانىڭ اقىلى


اققايىڭنىڭ بۇتاعىن كەسپە، كوكەم
سەن ۇلكەنسىڭ، بۇل بايعۇس بەستە مە ەكەن؟
قول- اياعىڭ سەكىلدى بۇتاقتارى،
اپپاق بولىپ ادەمى وسكەن ەكەن.

ءجۇرسىن وسى اقىلىم ەسىڭدە ەندى،
جولاتپاعىن كەلسە دە دوسىڭ مەيلى.
ۇلى انامىز – تابيعات، اعاش تۇگىل،
ءبىر تال ءشوبىن جۇلساڭ دا كەشىرمەيدى.

ايتقانىما وكپەلەپ قالما، ءسىرا،
كوپ كەلىپ تۇر اتاڭنىڭ اۋلاسىنا.
كىم كەپىلدىك ەتە الار وسى بۇتاق،
ەرتەڭ ساعان شاڭىراق بولماسىنا؟ ..

ءسالي ءسادۋاقاس ۇلى