ەلباسى قانداستارعا قارايلاسۋعا ۇندەدى


وتاندىق بۇقارالىق اقپارات قۇرالدارىنا سۇقبات بەرگەن ق ر پرەزيدەنتى نۇرسۇلتان نازاربايەۆ قالتالى ازاماتتاردى شەتەلدەن كەلىپ جاتقان قانداستارعا كومەك بەرۋگە ۇندەدى.
«قانداستارىن ەلىنە شاقىرىپ جاتقان دۇنيەدە ءۇش- اق مەملەكەت بار. سونىڭ بىرەۋى – قازاقستان. باستاپقى كەزدەردە ءبىز ادەيى سول ەلدەرگە بارىپ، جاعدايلارىن سۇراپ، ءبىرىنشى قۇرىلتايدى وتكىزدىك. ۇلى كوشتى باستادىق. سودان بەرى ءبىر ميلليون قانداسىمىز كەلدى. ولاردان ءوسىپ جاتقان ۇرپاقتار ودان دا كوپ. ۇلى كوش توقتاعان جوق. ەشقاشان دا توقتاتپايمىز، ەشكىمگە قارسىلىعىمىز جوق. كەلەم دەگەندەرگە ەسىك اشىق» ، – دەدى پرەزيدەنت.
شەتەلدە ءالى دە 4 ملن- نان استام قانداستارىمىز بار ەكەنىن ايتقان مەملەكەت باسشىسى ولاردى جىلى كوڭىلمەن قابىلداۋىمىز كەرەكتىگىن دە ايتىپ ءوتتى.
«ول جاقتا جاعدايلارى جاقسى، قيىنشىلىق كورمەسە، تۇرا بەرسىن. كەلەم دەگەندەرگە كەل دەيمىز. ءبىزدىڭ قالتالى ازاماتتارعا ايتارىم، قانداستىرىمىزدى قابىلداۋعا جاقىن بولۋىمىز قاجەت. ءقازىر ارنايى قور قۇرىلدى. سول قورعا قول ۇشىن بەرۋىمىز كەرەك. جۇمىسقا ورنالاسۋعا، باسپانا سالۋعا، از دا بولسا، كومەك بەرۋىمىز كەرەك. كۆوتانى كوبەيتىپ جاتىرمىز. سوندىقتان جۋرناليستەر دە وسى ماسەلەنى ايتىپ وتىرسا، قيىنشىلىق بولسا، ءبارىمىز كومەكتەسىپ وتىرساق، بارلىق قانداستارىمىزعا جاقسىلىق جاساعانىمىز بولىپ سانالادى» ، – دەپ اتاپ كورسەتتى ەلباسى.