“التىن توبىلعى” سىيلىعى تابىستالدى


نازاربايەۆ ورتالىعىندا جاس جازۋشىلارعا ارنالعان «التىن توبىلعى» جىل سايىنعى رەسپۋبليكالىق بايقاۋىنىڭ قورىتىندىسى بويىنشا قازاقستاننىڭ ەڭ ۇزدىك جاس جازۋشىلارى ماراپاتتالدى. ءىس- شارا تاۋەلسىزدىك كۇنىنە وراي ۇيىمداستىرىلعان.
بايقاۋ جىل سايىن ق ر تۇڭعىش پرەزيدەنتى – ەلباسىنىڭ قورىمەن، سونىمەن قاتار قازاقستان جازۋشىلار وداعى مەن مەملەكەتتىك ءتىلدى دامىتۋ قورىنىڭ قولداۋىمەن وتكىزىلۋدە. بايقاۋدىڭ نەگىزگى ماقساتى – ۇلتتىق ادەبيەتتە جاڭا ەسىمدەردى قالىپتاستىرۋ جانە جاس قالامگەرلەردىڭ ومىرلىك فيلوسوفياسىن كورسەتەتىن قازىرگى زامانعى ادەبيەتكە قوعامنىڭ قىزىعۋشىلىعىن ارتتىرۋ.
بايقاۋعا ەلىمىزدىڭ 18-35 جاس ارالىعىنداعى جاس دارىندار قاتىستى. بۇدان بۇرىن ەش جەردە جاريالانباعان تۋىندىلار عانا قابىلداندى. «التىن توبىلعى» سىيلىعى «ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «ۇزدىك بالالارعا ارنالعان شىعارما» جانە «تۋعان ەل» ارنايى نوميناتسيالارى بويىنشا بەرىلدى.
ماراپاتتاۋ ءراسىمى بارىسىندا قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورى جۇمابايەۆ قانات: «التىن توبىلعى» بايقاۋى قازاقستاننىڭ جاس تالانتتارىن قولداۋعا باعىتتالعان جانە ولاردىڭ ادەبيەت سالاسىنداعى شىعارماشىلىق الەۋەتىن كوپشىلىككە تانىمال ەتۋگە مۇمكىندىك بەرەدى. جاس اقىن- جازۋشىلار، پروزايكتەر مەن دراماتۋرگتەردىڭ جاڭا ەسىمدەرى ەلگە تانىمال بولىپ، شىعارمالارى قازىرگى زامانعى ادەبيەتتە لايىقتى ورىنعا يە بولۋدا. وسىنداي بايقاۋلاردىڭ كومەگىمەن قازاقتىڭ اتاقتى اقىن – جازۋشىلارى اباي قۇنانبايەۆ، ساكەن سەيفۋللين، مۇحتار اۋەزوۆ سياقتى بولاشاقتا جارىق جۇلدىزدار شىعادى دەگەن ۇمىتتەمىن. بيىل ءبىز «التىن توبىلعى» بايقاۋىنىڭ 2015 جانە 2016 -جىلعى ۇزدىك جۇمىستارىنان تۇراتىن كىتاپ باسىپ شىعاردىق. ال بۇگىن 2017 -جىلدىڭ ۇزدىك قالامگەرلەرىن ماراپاتتاپ وتىرمىز. جەڭىمپازدارىمىزدى شىن جۇرەكتەن قۇتتىقتايمىن!» ، دەدى
شىعارمالاردى ەلىمىزدىڭ تانىمال مادەنيەت قايراتكەرلەرى، اقىن- جازۋشىلار جانە جۋرناليستەردەن قۇرىلعان قازىلار القاسى ساراپتادى. قازىلار القاسىن قازاقستاننىڭ جازۋشىلار وداعىنىڭ باسقارما ءتوراعاسى ورازالين نۇرلان باسقاردى. بايقاۋعا ۇسىنىلعان جۇمىستار جانرعا سايكەستىك، ويلاۋ دەربەستىگى، اۆتورلىق ۇستانىم، بايانداۋ رەتتىلىگى مەن ماعىنالىلىعى، يدەيا ەرەكشەلىگى، ادەبي- كوركەم قۇندىلىعى، كوركەمدىك قيال مەن شىعارماشىلىق كوزقاراس، ەستەتيكالىق اسەر تەرەڭدىگى سياقتى ولشەمدەر بويىنشا باعالاندى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جوعارى بولۋ ءۇشىن شىعارما لاقاپ اتپەن قابىلدانىپ، ساراپتاۋ كەزىندە قازىلىر القاسى شىعارمالار اۆتورلارىنىڭ ەسىمدەرىن بىلمەدى. بايقاۋ جەڭىمپازدارى: «ۇزدىك پروزا» نوميناتسياسى بويىنشا – بەيبىت سارىباي. سىيلىق قورى – 000 000 1 تگ؛ «ۇزدىك پوەزيا» نوميناتسياسى بويىنشا – مەرەي قارت جانە ۇلاربەك نۇرعالىم. سىيلىق قورى – ءاربىر جەڭىپمازعا 000 750 تەڭگەدەن؛ «بالالارعا ارنالعان ۇزدىك شىعارما» نوميناتسياسى بويىنشا – ءالماش ايسۇلۋ جولتاي قىزى جانە تۋرەحانوۆا زاۋرە گالىمبەكوۆنا. سىيلىق قورى – ءاربىر جەڭىمپازعا 000 750 تەڭگەدەن؛ «تۋعان ەل» تاقىرىبىنا ارنالعان ۇزدىك ادەبي تۋىندى بويىنشا – ماقپال مىسا اتاندى. سىيلىق قورى – 000 500 1 تگ. بيىل، وكىنىشكە وراي، «ۇزدىك دراماتۋرگيا» نوميناتسياسى بويىنشا بايقاۋدىڭ بارلىق شارتتارىنا سايكەس كەلەتىن جۇمىستار بولمادى.
ق ر تۇڭعىش پرەزيدەنتى – ەلباسىنىڭ قورى «التىن توبىلعى» ادەبيەت سىيلىعىن العاش رەت 2015 -جىلى تاعايىنداعان. بايقاۋ ەلىمىزدىڭ شىعارماشىل دارىندى جاستارىن قولداۋعا ارنالعان تۇڭعىش پرەزيدەنت قورىنىڭ جوبالارىنىڭ ءبىرى.

باعاشار تۇرسىنباي ۇلى،
سۋرەتتى تۇسىرگەن ەرلان ومار،
«ەگەمەن قازاقستان»