“اۋىلىم – التىن تۇعىرىم” بايگەسى مارەگە جەتتى


بۇگىن ەكى جىلدان بەرى ۇيىمداستىرىلىپ كەلە جاتقان «اۋىلىم – التىن تۇعىرىم» رەسپۋبليكالىق ادەبي بايقاۋىنىڭ جەڭىمپازدارى ماراپاتتالدى، دەپ حابارلايدى Baq.kz اقپارات اگەنتتىگى.
«اۋىل» حالىق- دەموكراتيالىق پارتياسى مەن «ادەبيەت» پورتالى ۇيىمداستىرعان ادەبي- ونلاين كونكۋرسى مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىندا كورسەتىلگەن باعدارلامالىق ماقساتتاردى جۇزەگە اسىرۋعا نەگىزدەلگەن.
«اۋىل» پارتياسىنىڭ ءتوراعاسى ءالي بەكتايەۆ جينالعان قاۋىمدى كەلە جاتقان تاۋەلسىزدىك كۇنىمەن قۇتتىقتاپ، بيىلعى بايقاۋ رەسپۋبليكالىق شەڭبەردەن شىعىپ، حالىقارالىق دەڭگەيگە كوتەرىلگەنىن اتاپ ءوتتى.
«اۋىل تۋرالى ادەبي شىعارمالار بايقاۋىن ەكى جىلدان بەرى وتكىزىپ كەلەمىز جانە العاشىندا رەسپۋبليكالىق دەپ جاريالاعان بايقاۋىمىزدىڭ اۋماعى بيىل شەكارادان اسىپ كەتتى. وعان قىتاي، قىرعىزستان، رەسەي، موڭعولياداعى قانداستارىمىز ءوز تۋىندىلارىن جىبەردى. بىلتىر بايقاۋعا كەلىپ تۇسكەن 219 شىعارمانى ءۇش تومدىق كىتاپ ەتىپ شىعارىپ، اۋىل- اۋىلدارعا، كىتاپحانالارعا تاراتتىق. بيىلعى تۋىندىلاردى دا جيناق ەتىپ شىعارۋ جوسپارلانىپ وتىر. مۇنىڭ بارلىعى ەلباسى ماقالاسىندا كورسەتىلگەن رۋحاني جاڭعىرۋ شارالارىنا قوسقان ۇلەسىمىز بولماق» ، – دەدى ءالي بەكتايەۆ.
بايقاۋعا قاتىسۋعا 213 قالامگەر ءوتىنىم بەرگەن. ونىڭ 99-ى پوەزيا، 83 ءى پروزا بولسا، 31 تۋىندى دراماتۋرگيا بويىنشا تۇسكەن.
ءۇش سالا بويىنشا مارالتاي رايىمبەك ۇلى، داۋلەتكەرەي كاپ ۇلى، باۋىرجان قاراعىز ۇلى، جولتاي ءالماش ۇلى، ەربول بەيىلحان، ۇلاربەك دالەي ۇلى جانە جازۋشى-دراماتۋرگ روزا مۇقانوۆا، جابال ەرعاليەۆ قاتارلى تانىمال قالامگەرلەر قازىلىق جاسادى.

بايقاۋ قورىتىندىسىنا سايكەس:

پوەزيا:
I ورىن – ۇلاربەك نۇرعالىم (500 مىڭ تەڭگە)
Ⅱ ورىن – فايزۋللا تولەۋتاي (300 مىڭ تەڭگە)
Ⅲ ورىن – ەرلان ءجۇنىس (200 مىڭ تەڭگە) .
بيىلعى «اۋىلىم – التىن تۇعىرىم» بايقاۋىنىڭ ءبىر ەرەكشەلىگى الاشوردانىڭ 100 جىلدىعىنا وراي ارنايى جۇلدەلەر تاعايىندالدى.
پوەزيا اتالىمى بويىنشا ماعجان جۇمابايەۆ اتىنداعى ارنايى جۇلدە باقىتگۇل زارقۇمارعا، شاكارىم قۇدايبەردى اتىنداعى ارنايى جۇلدە ءومىرتاي ەدىلحانعا، عۇمار قاراش اتىنداعى ارنايى جۇلدە ۇمتىل زارىقحانعا، احمەت بايتۇرسىن ۇلى اتىنداعى ارنايى جۇلدە سۇلتان داۋلەتحانعا بەرىلدى.

پروزا:
I ورىن – داۋرەن قۋات
Ⅱ ورىن – نۇرلان قوبداي
Ⅲ ورىندى – ساكەن سىبانباي
پروزا جانرى بويىنشا الاشوردانىڭ 100 جىلدىعىنا وراي تاعايىندالعان ءمىرجاقىپ دۋلات ۇلى اتىنداعى ارنايى جۇلدە قانات تىلەۋحان ۇلىنا، سۇلتانماحمۇت تورايعىروۆ اتىنداعى جۇلدە اباي قالشابەككە، تايىر جومارتبايەۆ اتىنداعى ارنايى جۇلدە ءابۋ- اسقار مەكەشكە بۇيىردى.

دراماتۋرگيا:
I ورىن – دۋمان رامازان
Ⅱ ورىن – زامان تولەۋوۆ
Ⅲ ورىن – قۋانىش قوجاباي ۇلى،

دراماتۋرگيا بويىنشا الاشتىڭ 100 جىلدىعىنا وراي تاعايىندالعان جۇسىپبەك ايماۋىتوۆ اتىنداعى ارنايى جۇلدە قانات جۇنىسوۆكە، مۇحتار اۋەزوۆ اتىنداعى ارنايى جۇلدە ارشىن نۇرباقىتقا جانە قوشكە كەمەڭگەر ۇلى اتىنداعى ارنايى جۇلدە نۇريسلام ابدىلگە تيەسىلى بولدى.
ال بيىلعى «التىن تۇعىر» سىيلىعى مەن قوسىمشا 100 مىڭ تەڭگە سىياقى پروزا جانرى بويىنشا I ورىندى يەلەنگەن داۋرەن قۋاتقا بەرىلدى.