پاۆلودار مەن باياناۋىل اراسىندا اۋە رەيسى ىسكە قوسىلماق


باياناۋىلداعى اەرودرومعا 18 ورىندىق لەت-410 جولاۋشىلار ۇشاعى كەلىپ قوندى.
ەكى قوزعالتقىشى بار اۋە كەمەسىمەن پاۆلوداردان باياناۋىلعا دەيىن 16 جولاۋشى ۇشىپ كەلدى. ولاردى كەزىندە اۋدان ورتالىعىمەن اۋە قاتىناسىن جانداندىرۋدى ۇسىنعان ايماق باسشىسى دا بولدى. ەكى اراداعى جولدىڭ ۇزاقتىعى – 40 مينۋت.
اۋە رەيسىنە «جەزقازعان ەير» كومپانياسى قىزمەت كورسەتتى. بۇل فيرمانىڭ جەرگىلىكتى اۋە جەلىلەرىنە قىزمەت كورسەتۋدە باي تاجىريبەسى بار.
– بۇگىن ءبىز العاش رەت پاۆلودار مەن باياناۋىل اراسىندا اۋە رەيسىن جاسادىق، – دەدى ۇشاقتىڭ كاپيتانى سەرگەي تەرەحوۆ. – رەيس ويداعىداي ءوتتى. باياناۋىلداعى اەرودروم ۇشاقتاردى قابىلداۋعا تولىقتاي دايىن دەپ ويلايمىن.
قازىرگى كەزدە اەرودروم تولىقتاي قورشالعان. ماماندار ۇشۋ- قونۋ الابىنىڭ اۋماعىندا قوسىمشا ينفراقۇرىلىمنىڭ قۇرىلىسى ماسەلەسىمەن اينالىسىپ جاتىر.

فاريدا بىقاي،
«ەگەمەن قازاقستان»
پاۆلودار