لاتىن ءالىپبيىنىڭ جاڭا نۇسقاسى تۋرالى پىكىر

قازىرگى تاڭدا لاتىن الىپبيىنە كوشۋ تۋرالى ماسەلە قىزۋ تالقىلانىپ جاتقاندىعىن ءبارىمىز دە بىلەمىز.

ايكەنمەن باستاپقى كەزدەگى ۇسىنعان ءالىپبيدىڭ ديگرافىنا كوڭىلىم تولماعان بولاتىن. بۇل جولى لاتىن ءالىپبيىنىڭ جاڭا نۇسقاسىن كورە وتىرىپ, كوڭىلىم جاي تاپقان­داي بولىپ تۇر. بۇل نۇسقا تەرەڭ زەردەلەنىپ ۇسىنىلعان ەكەن. وسى ءبىر ايتۋلى ءىس-شاراعا اتسالىسىپ جۇرگەن قوعام قايراتكەرلەرى مەن جالپى عىلىمي قاۋىمعا ءوز تاراپىمنان ريزاشىلىق بىلدىرەمىن. قاي كەزدە دە ءتىل مەن جازۋ ءار ەلدىڭ بولاشاعى ەكەندىگى بارشاعا ءمالىم. ءتول سوزدەرىمىزدى ديگرافسىز جازۋ جەڭىل جانە ىڭعايلى دەپ ەسەپتەيمىن. سونداي-اق, كەلەشەك ۇرپاقتارىمىزعا بالاباقشادان باستاپ وقىپ-جازۋعا وسى ءبىر نۇسقا قولايلى سياقتى بولىپ كورىنەدى ماعان. ەندىگىسى ءبىر جاعادان باس, ءبىر جەڭنەن قول شىعارا وتىرىپ, وسى نۇسقانى قابىلداساق نۇر ۇستىنە نۇر بولار ەدى.

ەرسايىن وسپانوۆ,
زەينەتكەر ۇستاز

سولتۇستىك قازاقستان وبلىسى