استانا اۋەجايىنداعى اۆتوتۇراق باعاسى ارزاندايدى


ەلورداداعى “نۇرسۇلتان نازاربايەۆ” اۋەجايىنداعى اۆتوتۇراق باعاسى ارزاندايدى، دەپ حابارلايدى “استانا LRT” باسپا ءسوز قىزمەتى
“حالىقارالىق اۋەجايداعى قىسقا مەرزىمدى P-1 تۇراعىنىڭ تاريفتەرىنە تالداۋ جۇرگىزە وتىرىپ، كومپانيا باسشىلىعى مەن اۋەجايداعىلاردىڭ ءتاريفتى وزگەرتىپ، باعانى تومەندەتۋ تۋرالى شەشىم قابىلداعاندارىن حابارلاعىمىز كەلەدى”، – دەلىنگەن كومپانيانىڭ Facebook جەلىسىندەگى پاراقشاسىندا.
ەسكە سالا كەتەيىك، وسىعان دەيىن استانا اۋەجايىندا اۆتوتۇراققا ءبىر تاۋلىككە قويىلعان كولىك ءۇشىن 57 مىڭ تەڭگەنىڭ تولەنگەنى جايلى ايتىلعان بولاتىن.  پاركوماتقا قاراجات تولەۋ ءساتى تۇسىرىلگەن ۆيدەونى Instagram جەلىسىنە بەلگىلى ءانشى قايرات باەكەنوۆ جاريالادى. كادرلارعا قاراعاندا، مۇنداي قىرۋار قاراجاتتى كولىكتى ءبىر تاۋلىك جانە ون ساعاتقا قويىلعان كولىك ءۇشىن تولەۋ قاجەت بولعان.