بيىلعى توقتىلار قۇرباندىققا جارامايدى – ق م د ب


ەرتەڭ – قۇربان ايت. ءمۇفتياتتىڭ مالىمدەۋىنشە بيىلعى توقتىلار قۇرباندىققا جارامايدى. ويتكەنى قۇرباندىقتىڭ قابىل بولۋى ءۇشىن، ءبىرىنشى – ىقىلاس- نيەت دۇرىس بولۋى، ەكىنشى – سويىلاتىن مال جارامدى بولۋى كەرەك.
ەشكىنىڭ جانە قويدىڭ جاسى ءبىر جىلدان اسىپ ەكىنشى جىلعا كىرگەنى، سونداي- اق التى ايلىق مارقا قوزى (ۇلكەن قوي سەكىلدى) ءىرى، قوڭدى بولسا قۇرباندىققا جارامدى. سيىردىڭ ەكى جاسقا تولىپ، ءۇشىنشى جىلعا كىرگەنىن، ال تۇيەدەن جاسى بەس جىلدان اسىپ، التىنشى جىلعا كىرگەنىن قۇرباندىققا شالۋعا بولادى. سونىمەن قاتار سويىلاتىن مالدىڭ كەمشىلىك، كىناراتى بولماۋى كەرەك ەكەنىن جازادى fatua.kz.
قويدىڭ ءبىر جاسى شامامەن 6 اي. سەبەبى، ساۋلىقتارىنىڭ بۋازدىق مەرزىمى 145-155 تاۋلىككە سوزىلادى، ياعني ورتاشا ەسەپپەن 5 اي 10 كۇن. سول ءۇشىن شاريعاتتا التى ايدان اسقان توقتى قۇرباندىققا جارامدى دەلىنگەن.
ق م د ب بيىلعى توقتىلاردىڭ بارلىعى قۇرباندىققا جارامايتىنىن ەسكەرتەدى. ويتكەنى ءتوقتىنىڭ جاسى كەم دەگەندە التى ايدان اسقان جانە ءىرى بولۋى شارت. دالىرەك ايتقاندا، اعىمداعى جىلدىڭ ناۋرىز ايىنا دەيىن تۋىلعان ءتول بولۋى ءتيىس. ەلىمىزدىڭ ءبىرقانشا وڭىرلەرىندە ساقمان ءساۋىر ايىندا باستالاتىنى بەلگىلى. اسىرەسە ورتالىق جانە سولتۇستىك ايماقتاردا. سوندىقتان، قۇربان مالىن ساتۋشىلار مەن تۇتىنۋشىلار وسىنى ەسكەرگەنى ابزال.