استانا مەن جەزقازعان اراسىندا ۇشاق قاتىنايتىن بولدى


QAZAQ AIR اۋە كومپانياسى استانا- جەزقازعان باعىتى بويىنشا جاڭا تۇراقتى رەيس اشادى. بۇل جايىندا اتالعان كومپانيانىڭ باسپا ءسوز قىزمەتىنەن ءمالىم ەتتى.
«2017 -جىلدىڭ 19-تامىزىنان باستاپ ءاربىر سەنبى كۇنى استانا تۇرعىندارى مەن قوناقتارى قازاقستاننىڭ «مىس استاناسىنا» جايلى  Bombardier Q400 NextGen لاينەرىمەن ساياحات جاساي الادى. ۇزاقتىعى 55 مينۋتتى قۇرايتىن «استانا- جەزقازعان باعىتىندا ۇشۋ قۇنى الىمداردى قوسا العاندا 13366 تەڭگەدەن، ال جەزقازعاننان ەلورداعا بيلەتتەر بارلىق الىمداردى ەسەپتەگەندە 13662 تەڭگەدەن باستالادى» ، – دەلىنگەن حابارلامادا.
تاراتىلعان حابارلامادا جەزقازعاننان استاناعا كەلىپ، الماتى رەيسىنە ءمىنۋ ءۇشىن بارىنشا ىڭعايلى جاعداي جاسالاتىندىعى ايتىلعان. مۇنداي بيلەتتەردىڭ قۇنى بارلىق الىمداردى ەسەپتەگەندە 20878 تەڭگەدەن، ال وڭتۇستىك استانادان ەلوردا ارقىلى جەزقازعانعا جەتۋ 20207 تەڭگەدەن باستالاتىن بولادى.
ء«بىز قازاقستاننىڭ ءىرى ونەركاسىپتىك قالاسىنا باراتىن ەلوردالىق تۇرعىندار ءۇشىن، سونىمەن قاتار استانا مەن الماتىعا ساياحاتتايتىن جەزقازعاندىقتار ءۇشىن وسى باعداردىڭ ءتيىمدى بولارىنا سەنىمدىمىز» ، – دەدى QAZAQ AIR كومپانياسىنىڭ كوممەرتسيالىق ديرەكتورى ادەل داۋلەتبەك.